Linge 142:5 - Ghari

⁵ Taovia au ngangaidato vanigo ko sangaau; Taovia igoe nogo niqu reitutugu; igoe segeni moa au ngaoa kau tamanina tana mauri ni lao eni.

Linge 142:5 Referans Kwoze

Linge 16:5

Taovia, igoe saikesa moa gaqu tuva, mo tusuvaniau na omea sui au kilia vania na mauriqu. Migira na omea sui kara labamai vaniau i muri ara totu sui nogo tana limamu igoe.

Tangitangi 3:24

Mau tsaria, “Taovia igoe segeni moa au tamanina inau, mi konimu nogo au vataraginia niqu amesi.”

Linge 119:57

Taovia, igoe segeni moa au kilia inau; mau vekevanigo laka sauba kau muridougira nimu ketsa sui.

2 Timoti 4:17

Ma na Taovia e totu kalavata koluau moa. Maia e tusuvaniau na susuliga, gana kau gini tangomana na gini turupatuna nina goko popono God vanigira na tinoni tana vera sui, ma kara rongomia. Maia goto nogo e maurisiau tania na mangaqira na pai atsi girani ara ngaoa na pede matesiaqu.

Linge 91:2

aia moa e tugua ke tsarivaganana vania, “Taovia igoe nogo o isutuguqu mo reitutuguau. Igoe niqu God; minau au norugo.”

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

Linge 27:13

Inau au tutunina laka sauba kau reilakana na douna na Taovia kalina au mamauri moa i lao eni.

Ioane 16:32

Na tagu e maimai nogo me totu manoga nogo ieni, kalina pipi gamu sui sauba kamu viri tsogo tatavosi bamai. Pipi kesa ke vano i valena segeni, me tagara ke kesa vidamui ke totuvisu koluau.

Linge 73:26

Atsa moa ti kaira na koniqu ma na tidaoqu kara ka tau nogo susuliga, migoe nogo God o lia na susuligaqu; migoe saikesa moa au kiligo.

Linge 56:13

rongona igoe nogo o laumaurisiau tania na mate, mo sangaau dou mara gini tau tangomana na tuliusiaqu igira. Aia nogoria ti inau au gini dona na liu bâ dou i matamu igoe niqu God, tana mararamu o mararasiginigira igira ara mauri.

Linge 46:11

Aia na Taovia Susuliga Sosongo e totu i konida igita; nina God a Jakob aia nogo e ravisigita.

Linge 46:7

Aia na Taovia Susuliga Sosongo e totu i konida igita. Nina God a Jakob aia nogo e ravisigita.

Linge 35:12

Ara tuguvisu vaniau na seko tuguna na omea dou au naua, me gini ponopala saikesa na tobaqu.

Sasani Sasaga 4:1

Mi muri, minau au morosigira tugua pipi sui na omea tau goto ara tau kuti na laba i laona na barangengo. Au reigira na tinoni seko ara tsogori tsunaligira na kulaqira, migira ara ngangai savosavo, me tagara ke kesa ke sangagira. Eo, e tagara kesa ke malagai na tû me ke sangagira, rongona igira ara bingi sekoligira ara tamanina na susuliga tana niqira tabana.