Linge 142:3 - Ghari

³ Mi kalina e varavara nogo kau pukavisu lê, maia e dona sui nogo niqu omeomea. Tana sautu tana sauba kau liu inau, igira gaqu gala ara molopoia vaniau gaqu taviti.

Linge 142:3 Referans Kwoze

Linge 141:9

Ko tukapusia na taviti ara molomanogati vaniau nogo, ma niqira pidipidi ara moloa igira na vanga nauseko.

Linge 140:5

Igira na tinoni kaekae ara vangaraunogoa vaniau gaqu taviti; ara molo kapusia niqira pidipidi tana kau liu bâ, mara matalogoa niqira taviti gana kau sogo i laona.

Jeremia 18:22

Ko molovanogira na alaala na tinoni vanga tangopeke kara ba novotigira, ma kara laua pipi sui niqira omea; mo ko naua, ma kara ngangaidato tana matagu loki. Igira ara tsai manogati vaniau nogo na qilu loki gana kau puka sage i laona, mara vangarau manogatigotoa gaqu taviti gana kau sogo i konina.

Linge 143:4

Me vaga ia, me varavara nogo kau pukavisu lê, mau seko pitsu saikesa nogo.

Linge 61:2

!Au totu ao tania na veraqu, me ponopala sosongo na tobaqu, mau soago igoe ko sangaau! Ko adiau bâ kesa tana nauna i tana kau totu raviravi dou,

Linge 102:4

Na kosuqu e mamatsa lê vaga moa na buruburu makede; ma na tobaqu e tau nogo padâ na mutsa.

Linge 77:3

Mi kalina inau au padâ God, mau ngangai i laona na tobaqu; mi kalina au totu mui mau papada, me ponopala lê na tobaqu.

Linge 56:6

Ara totusai tana nauna gana na taopoi mara tuvia pipi na omea sui inau au naugira, mara pada laka kara labumatesiau.

Linge 31:4

Ko sautuligiau tania na taviti ara molomanogati vaniau nogo; ko ravisiau me ke tau gadoviau sa omea seko.

Linge 22:14

E nanga lê sui na susuligaqu inau, vaga moa ti na kô e nara lê tana kao. Ara viri tapiu sui na suliqu tania na sasaiqira; ma na kosuqu e rono lê vaga moa ti na kadele kalina e iru.

Linge 1:6

Na Taovia aia e mataligira me reitutugugira igira e gotolaka niqira sasaga, migira na tinoni seko ara muria moa na sautu e kalea na mate saliu.

Nina Papi A Job 23:10

Maia God e donaginigira sui pipi niqu tsakutua; me ti vaga aia ke tovoleau, me sauba nomoa ke tsodovulagia laka au totu male saviliu moa.

Mateo 22:15

Migira na Parisii ara tuu, mara vano. Mara vorosai gokona kara naua kesa na omea me ke gini sogo a Iesu i laona niqira taviti.

Linge 17:3

Igoe nogo o donaginia na laona na tobaqu. Igoe o mai nogo i koniqu tana bongi, mo vilekegira sui niqu sasaga. Mo tau goto tsodoa ke kesa na omea seko i laoqu.

Linge 62:9

Na tinoni sui lakalaka ara vaga saikesa moa ti na guguvina tetelo lê moa na magomago; igira sui tû tana lokina me tsau tana tetelona e tau lelê goto tugugira sa omea. Molokaegira tana omea na tovomamava, ma gaqira mamava e tau goto tugua sa omea; ara malamala lê liusia na malamalana kesa na guguvina tetelo na mamagona tinoni.

Linge 102:1

!Taovia ko rongomi vatavia niqu nonginongi, ko rongomiau inau au ngangaidato vanigo rongona ko sangaau!

Tangitangi 2:19

Ko tû tugua, mo ko ngangaidato vania moa na Taovia tana bongi popono. !Ko katevulagi vania nimu rota sui, mo ko nongia ke galuvegira na dalemu ara viri mate na vitoa pipi tana tsuruna sautu!