Linge 141:2 - Ghari

² Ko adidoua niqu nonginongi vaga moa na pungu na bulunagai uruuru, ma na limaqu au abedatoa vanigo vaga moa na savori-kodoputsa tana ngulavi.

Linge 141:2 Referans Kwoze

Na Katemai 5:8

Mi kalina aia e nauvaganana ia, mi tugira tu vati na omea mamauri, migira goto na rukapatu vati na tuqa tabu, ara puka kovoragi i matana na Dalena Sipi. Pipi kesa gira tatasa ara tangolia niqira tuqulu, kolu bilo qolu e danga na buluna na gai uruuru i laona, aia nogo na papadana niqira nonginongi igira nina tinoni God.

1 Timoti 2:8

Au ngaoa laka pipi tana nauna, igira na mane ara sau segeniqira nogo vania God kara abedatoa na limaqira tana nonginongi, ma kara tau naukolua na kore se na vaiganigi.

Malaki 1:11

“Migira na tinoni tavosi tû kesa tabana na barangengo me tsau bâ kesa tabana ara dona rago na kukuni taniaqu inau. Me pipi tana nauna sui ara kodo vaniau na bulunagai uruuru, mara savori vaniau na kodoputsa e dou i mataqu. !Eo, pipi gira sui ara kukuni taniau!

Goko Tabana 15:8

Na Taovia e rongomingaoa niqira nonginongi igira na tinoni dou, me reisavia niqira kodoputsa igira na tinoni vanga tsutsukibo.

Daniel 9:21

Mi kalina au nonginongi moa, ma na angelo Gabriel, aia au reinogoa tana kesanina bolebole, e lovo tsunamai i tana au tototu. Mi tana tagu ia na tagu nogo na savori kodoputsa na ngulavi.

Linge 134:2

!Abedatoa na limamui tana nonginongi i laona na Vale Tabu ma kamu tsonikaea na Taovia!

Linge 63:4

Sauba kau tau kuti na soadouamu tana mauriqu popono, ma kau abedato vanigo na limaqu tana nonginongi.

Linge 28:2

Ko rongomiau kalina kau ngangaidato vanigo rongona ko sangaau, mi kalina goto ti kau abedato bâ na limaqu kalea nimu Vale Tabu.

Linge 5:3

migoe o rongomia na tatangina na lioqu tana matsaraka. Mi kalina e dato na aso inau au saua niqu savori vanigo, mau tû mau pipitugo.

Esra 9:4

Mau totu moa tana, mau tangitangi poi e tsau na tagu na savori-kodoputsa tana ngulavi. Migira na tinoni ara dona sui nogo laka na Taovia e dona ke kore vanigira igira ara sasi, ti ara matagu loki mara saimai i tana au tototu inau.

Binaboli 29:39

Kamu gini savori-kodokodo kesa ka vidaqira tana matsaraka, ma na rukanina tana ngulavi.

Aqoaqo 3:1

Kesa dani, tana tolu kiloko na ngulavi, na tagu i tana ara lavu nogo igira na Tsiu na vano lotu, mi kaira a Petero ma Ioane ara ka vano na nonginongi tana Vale Tabu.

1 Taovia Tsapakae 18:36

Mi kalina e tsau na taguna na kodoputsa tana ngulavi, ma na propete Elija e ba tû i matana na belatabu me nonginongi me goko vaga iani, “Taovia, igoe tu niqira God a Abraham ma Isaak ma Jakob, au nongigo ko sauvulagia kalina ia laka igoe nogo na God ni Israel, me laka inau nogo nimu maneaqo mau naua na omea sui girani tana nimu rarai nogo igoe.

Tsoko Tinoni 16:35

Mi muri ma na Taovia e molomaia na lake iruiru me ganigira sui na 250 mane igira ara savoria na bulunagai uruuru.

Binaboli 35:15

na belatabu gana na kodo buluna gai uruuru ma na gai na mani kalagaiginiana; na oela tabu gana na nina omea; na bulunagai uruuru sisigini dou; na polokatsi gana na tsauraginiana tana matsapana na Valepolo;