Linge 140:9 - Ghari

⁹ Ko laka na tami ke managaqira igira gaqu gala; mo ko naua ma na omea seko igira ara ngaoa na nauvaniaqu inau, ke kidivisu me ke gado i koniqira segeni.

Linge 140:9 Referans Kwoze

Linge 7:16

Me vaga ia, migira ara gini gadovikede segeni tana rongona niqira nauseko segeni nogo. Ma na kore loki igira ara naua e kidivisu me gadovigira segeni.

Goko Tabana 18:7

Mi kalina e goko kesa na bule, maia e toroutsani segenina moa; me sogo segeni tana tavitina nina goko.

Goko Tabana 12:13

Na tinoni vanga tsutsukibo e sogo i laona nina tsaqina goko segeni, ma na tinoni e goto nina sasaga e tsidavagini segenina tanigira na omea seko.

Goko Tabana 10:11

Nina goko kesa na tinoni dou ara vaga na kô e tusumauri, ma nina goko na tinoni vanga tsutsukibo e tsavupoia moa nina ngaosekoli tinoni.

Goko Tabana 10:6

God e tabugira igira e goto niqira sasaga. Ma nina goko na mane vanga tsutsukibo e tsavupoia moa nina ngaosekoli tinoni.

Linge 94:23

Aia nogo sauba ke kedegira tana rongona niqira tsutsukibo ara naua igira, me ke matesigira matena niqira sasi; na Taovia nida God sauba ke tû me ke labumatesigira sui.

Linge 64:8

Sauba nomoa ke matesiligigira matena niqira tsaqina gokoseko vaga ara tsonia; migira sui kara reigira sauba kara lengulengu lovaqira vanigira.

Esta 7:10

Me vaga ia, mara ba tsauraginia a Haman tana gai na ligo aia segeni nogo e vaturikaea, gana ke tsauraginia a Mordekai i konina. Mi tana me gini bisitugua na korena na taovia tsapakae.

Mateo 27:25

Migira sui na toga popono ara gokovisu mara tsaria, “!Molovanigami nogo igami migira na dalemami, kami gini loaga na gabuna na mane ia!”

Esta 5:14

Mi tana, ma na tauna migira sui gana saidou ara totu kolua ara tsarivania, “Me vaga ia me dou ti ko vaturikaea sa gai na ligo ke rukapatu ruka mita na datona. Me ke matsaraka ke dani migoe ko bâ mo ko nongia na taovia tsapakae ke tamivanigo na tsauraginikaeana a Mordekai i konina me ke mate, mi tana ti ke gini dou tugua na tobamu na vano tana mutsa ia.” Ma Haman e padâ laka na omea iani e dou na nauana, me tû me ketsaligira kara vaturikaea kesa na gai na ligo i tana.

Na Vaolusi Ketsa 32:27

Mau tau moa ngaoa igira gaqira gala kara gokokae ma kara tsaria laka igira nogo ara tuliusigira niqu tinoni, kalina inau segeniqu nogo au kedegira.’