Linge 140:7 - Ghari

⁷ Taovia niqu God, igoe nogo o susuliga na sogogaqu, mi tana tagu na vailabu igoe nogo o dilaau.

Linge 140:7 Referans Kwoze

Linge 89:26

Maia sauba ke tsarivaganana vaniau, ‘Igoe nogo na tamaqu ma niqu God; igoe niqu reitutugu ma niqu vagamauri.’

Linge 62:7

God segenina moa e maurisiau me molokaeau; maia segenina moa niqu reitutugu susuliga; maia nogo niqu mani toturavi.

Linge 62:2

Aia segeni moa e reitutuguau me maurisiau; maia moa nogo e isutuguqu, me utu goto kara tulisiau igira.

Linge 144:10

Igoe o sangagira na taovia tsapakae sui mara gini tangomana tana vailabu, mo laumaurisia a David nimu maneaqo.

Linge 95:1

!Kamu mai ma ka tsonikaea na Taovia! !Ida ma ka linge tana mage vania God aia e reitutugugita!

Linge 59:17

Igoe nogo na susuligaqu, me sauba kau lingena na tsonikaeamu. God nogo aia niqu mani toturavi, God nogo e sauvaniau nina galuve vo oli.

Linge 27:1

Na Taovia aia nogo niqu marara ma na pukuna niqu sasanga. ?Masei goto sauba kau matagunia? Na Taovia nogo aia e reitutuguau tanigira pipi sui na omea seko. ?Masei kau matagunigotoa?

Linge 18:35

Igoe nogo Taovia o reitutuguau mo maurisiau. Igoe o sangaau me gini tangi loki gaqu rongo, ma na susuligamu e tangoliau mau gini totu raviravi dou.

Isaia 12:2

God aia nogo niqu vagamauri. Maia moa sauba kau norua, ma kau gini tau goto matagu. Na Taovia aia nogo na susuligaqu ma niqu vagamauri.

2 Samuel 8:14

Maia e mologira nina mane vaumate kara totu babâ moa i laona na Edom popono, migira na tinoni ni tana ara totu i vavana nina tagao a David. Ma na Taovia nogo e naua maia David e gini susuliga na tuliusiaqira gana gala pipi moa tana nauna.

2 Samuel 8:6

Mi muri, maia e mologira nina mane vaumate kara totu babâ i laona niqira butona kao popono igira na Siria, migira goto na Siria ara totu i vavana nina tagao a David mara tsonitakisi vania. Na Taovia nogo e naua maia David e gini susuliga na tuliusiaqira gana gala pipi moa tana nauna.

Linge 31:15

Igoe nogo o reitutuguau sailagi; ko maurisiau tanigira gaqu gala, me tanigira goto igira ara rotasi sosongoliau.