Linge 14:6 - Ghari

⁶ Na tinoni vanga nauseko ara tovoa laka kara utusia nina aqo na tinoni palatsuna, ma na Taovia aia segeni nogo e sogogana.

Linge 14:6 Referans Kwoze

Linge 9:9

Na Taovia aia niqira raravi igira ara bingi sekoligira, maia niqira nauna agana na tsogoravi kalina ti ke laba na tagu seko.

Linge 42:10

Ara bingiginiau sosongo niqira goko peapea, mara totu matengana moa na veisuaqu sailagi, “?Laka iava e totu nimu God igoe?”

Linge 4:2

?Sauba ke oka koegua sagata kamu tsiriau lê igamu na tinoni? ?Me ke oka koegua sagata kamu padalokigira igira na omea tagara rongona; ma kamu gini boe moa na muriana na omea peropero lê?

Daniel 3:15

Mi kalina ia, tana tagu tsotsodo ti kamu tu rongomia ke tangi na tavuli, ma na tuqulu, ma na uete, migira sui na vatana na vangana na sinagi, kamu tu tsuporu tsuna ma kamu tu samasama vania na titinoni ia. Me ti vaga kamu tu tau nauvaganana ia, minau sauba kau tsonisagetugamu saviliu i laona na umu romaroma. ?Laka amu tu padâ tugamu e tangomana sa god tavosi ke maurisitugamu?”

Esekiel 35:10

“Migoe o tsarivaganana iani: ‘!Kaira na puku na tinoni ni Juda mi Israel, kolua ka niqira kao popono sauba nomoa kara lia niqu tamani nogo inau, minau kolugira niqu tinoni sauba kami adi tamanimami!’ Eo, igoe o goko vaga ia atsa moa ti inau na Taovia niqira God au totu nogo i laoqira.

Linge 142:5

Taovia au ngangaidato vanigo ko sangaau; Taovia igoe nogo niqu reitutugu; igoe segeni moa au ngaoa kau tamanina tana mauri ni lao eni.

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

Linge 40:17

Inau au maluku lê mau tau tamanina sa omea, migoe Taovia, o tau moa padaleau. !Igoe niqu vagamauri mo niqu God, ko mai kiki tsaku mo ko sangaau!

Linge 3:2

Igira ara goko mara tsarivaganana iani tana rongoqu, “Sauba God e utu lelê ke sangaa.”

Hibru 6:18

E utu sosongo vania God ke oli kaira na omea karani, na vatsa ma na veke, rongona e utu sosongo vania God ke pero. Me vaga ia, ma na goko vaga karani e tugua nomoa ke kakaisigita, igita a toturavi nogo i konina God. Ma ka gini norukakaia laka sauba God ke manalia na omea aia e vekenogoa vanigita.