Linge 14:4 - Ghari

⁴ Te e tû na Taovia me veisua, “?Me laka ara tau vati sasaga moa igira na tinoni vanga nauseko girani? E lia vaga moa ti ngiti gaqira mutsa na sekoliaqira niqu tinoni inau, mara tau saikesa dona na nonginongi vaniaqu inau.”

Linge 14:4 Referans Kwoze

Linge 79:6

Ko piloa na koremu me ke ba gado i koniqira na puku tavosi igira ara tau donaginigo, i koniqira na tinoni ara tau dona kara lotu vanigo.

Jeremia 10:25

Ke piloa nimu momosatoba, me ke ba gado i koniqira na puku tavosi igira ara tau samasama vanigo igoe, mi koniqira na tinoni ara sove tanigo. Igira nogo ara labumatesigira nimu tinoni; mara toroutsani saikesalia na veramami.

Isaia 64:7

E tagara sa vidamami ke nonginongi vanigo se ke norugo ko sangâ. Igoe o poisinogoa na matamu vanigami, mo tsonikidamami tana rongona nogo nimami sasi.

Linge 82:5

“!E pono nomoa na tobamui igamu, mamu tau dona sa omea! Igamu amu liu saikesa moa i laona na rodo, ma na pedegoto e nanga taninogoa na barangengo.

Roma 1:28

Ma na rongona nogoria na tinoni girani ara sove na tutunina na manana tana rongona God, ti aia God e gini tsonilegira kara muria niqira papada seko, ma kara totu matengana moa na nauana na omea e tau ulagaqira kara naua.

Amos 8:4

Kamu rongomia na omea iani, igamu amu tsogori tsunaligira na tinoni e tagara kesa ke sangagira, mamu sekoligira na tinoni ara tau tamanina sa omea igira ara totu i laona na veramui.

Linge 27:2

Kalina igira na tinoni seko ara mai saisai gaqu mara tovoa laka kara matesiau, migira ara tubulagi lê mara viri puka sui.

Galatia 5:15

Me ti igamu kamu totu matengana moa na vaigatigi ma na vaisekoligi, me ke reigamu dou. Tana nauvaganana ia, e tau utu ti sauba kamu veoginia nimui saikolu popono.

Hosea 7:7

“Tana paparana niqira tobamomosa igira ara labumatesigira niqira tagaovera. Mara labumatesigira goto niqira taovia tsapakae puka vaitsarimurigi, me tagara goto sa tinoni ke nonginongi vaniau inau gana kau sangagira.”

Isaia 45:20

Na Taovia e tsaria, “Kamu saimai igamu na tinoni pipi sui tana puku, igamu sui amu matepitsa tana vailabu. Kamu mai tusuvulagigamu segeni tana tinete. Ara tau saikesa tamani sa sasaga igira ara kalagai bamaia niqira titinoni gai mara nonginongi vanigira moa na god ara tau tangomana kara maurisigira.

Isaia 29:14

Me vaga ia, minau sauba kau nauvanigira tugua na omea ganataga loki gana kau novotiginigira. Ma kau tabarusia niqira papada igira na tinoni sasaga, ma kara tau nogo sasaga, ma kara tau goto tangomana na padagadoviana sa omea.”

Isaia 27:11

Migira sui na arana gai ara matsele lê mara viri taboku, ma na daki ara mai tsakosaigira gana na lake. Mi tana rongona nogo igira na tinoni ara tau padagadovia sa omea, ti God, aia nogo e aqosigira, sauba ke tau nogo galuvegira se ke gaegira.

Nina Papi A Job 27:10

?Me laka tana mauriqira gira ara gini magemage na totu koluana God Susuliga Sosongo ma na nonginongi sailagi vaniana?

Isaia 5:13

Me vaga ia ma na Taovia e tsaria, “Igira niqu tinoni ara tau saikesa donaginiau inau, me vaga ia, migira gaqira gala sauba kara aditsekavanogira tana vera tavosi. Migira gaqira ida ma na toga popono sauba kara gini mate na vitoa ma na marou.

Nina Papi A Job 21:15

Mara tsarigotoa, ‘?Masei vaga Aia e Susuliga Sosongo ti igami kami rongomangana? ?Me laka nagua ke pelugita ti vaga igita ka lotu vania?’

Goko Tabana 30:14

Mara visana tinoni na livoqira ara vavanga vaga na isi ma na gau, gana kara ganigira na tinoni ara tau tamani, migira ara kili sasanga, ma kara gini nangaligi tania na barangengo.

Isaia 64:6

Igami sui na tinoni vanga sasi mami kaulinaqu i matamu igoe; me atsa goto nimami sasaga dou bâ, migira goto ara kaulinaqu i matamu vaga saikesa nogo na polo naqunaqu. Tana rongoqira nogo nimami sasi, te igami ami gini vaga na rau na gai matsele e puasalagira lê na guguri.