Linge 139:19 - Ghari

¹⁹ !Niqu God, au kili sosongolia laka igoe ko labumatesigira na tinoni vanga tsutsukibo! !Au amesi sosongolia laka igira na tinoni vanga tangopeke seko kara mololeau inau!

Linge 139:19 Referans Kwoze

Linge 5:6

Igoe o tsogori pukaligira sui na tinoni vanga peropero, mo pea sosongoligira igira na lapiruka, migira na vanga tangopeke seko.

Isaia 11:4

aia sauba ke pedegira na tinoni sekona lê tana pedegoto, me ke isutuguqira igira e tagara kesa ke sangagira. Me ke goko moa aia, migira na tinoni seko sauba kara gadovikede, migira na vanga tsutsukibo sauba kara mate.

Linge 119:115

Kamu baligi taniau igamu na tinoni vanga nauseko. Minau sauba kau muridougira nina ketsa niqu God.

Linge 6:8

!Kamu baligi taniau igamu na tinoni seko! Na Taovia e rongominogoa niqu ngangai.

Linge 64:7

Ma God sauba aia ke vanasiginigira nina pipili, me sauba kara tavongani boka tsaku lê.

Linge 55:23

Migoe God sauba ko tsonibagira na vanga labumatesi tinoni ma na vanga pero, ma kara ba puka tana qiluqira kalina na turina popono na mauriqira e totu moa. Minau moa sauba kau noru saikesaligo moa igoe.

Linge 9:17

Na mate aia saikesa moa e totupitugira igira sui na tinoni vanga nauseko, migira sui goto ara sove tania God.

2 Korint 6:17

Ma na Taovia e tsarigotoa, “Kamu mololegira saikesa na tinoni ponotoba, ma kamu totu tabaligi tanigira. Kamu laka goto na peleana kesa na omea e tau male, minau sauba kau tabegamu.

Mateo 25:41

“Mi muri, minau sauba kau tsaria vanigira igira ara totu tana mauliqu, ‘!Baligi taniau igamu, aia God e reisavigamu! !Kamu baa tana lake e vo sui na iruna, aia God e vangarau manogatinogoa vania na tidao seko migira nina angelo seko!

Linge 94:23

Aia nogo sauba ke kedegira tana rongona niqira tsutsukibo ara naua igira, me ke matesigira matena niqira sasi; na Taovia nida God sauba ke tû me ke labumatesigira sui.

Mateo 7:23

Mi tana, minau sauba kau tuu, ma kau tsarivanigira, ‘Inau au tau saikesa donaginigamu. !Kamu baligi taniau inau, igamu na tinoni seko!’

Linge 9:18

Igira ara kilia na sasanga sauba e utu kara totu sekona lê sailagi moa. Ma niqira amesi igira ara tau tamanina sa omea sauba e utu ke puala lê saviliu.