Linge 139:18 - Ghari

¹⁸ Me ti vaga kau tsokosaigira, me sauba kara danga liusia na vatuna na one. Mi kalina kau mamata tania na maturu, minau kau totu kolugo moa igoe.

Linge 139:18 Referans Kwoze

Linge 3:5

Au tsaro mau maturu, maia na Taovia e reitutuguau tana bongi popono.

Linge 139:3

Igoe o reiau moa ti kau aqo se kau mango; mo donaginigira nogo pipi sui niqu aqoaqo.

Linge 40:5

!Igoe nogo o Taovia mo nimami God mo naugira vanigami danga na omea; me tagara goto ke kesa ke atsa kolugo igoe! Igoe nogo o naumanogati vanigami danga na omea dou sosongo. !Me utugana saikesa vaniau kau tsaritutugugira sui, rongona igira ara danga seko sosongo!

Linge 17:15

Minau kiki moa sauba kau morosilakamu igoe, rongona au tau naua sa omea ke sasi. Mi kalina inau kau mamata, me sauba ke dangatovu i tobaqu na magemage na totu i matamu igoe.

1 Tesalonika 5:10

Aia nogo e mate tuguda ti igita ka gini mauri saliu kolua, atsa moa ti igita ka mauri moa se ka mate nogo kalina aia ke labamaitugua.

Daniel 12:2

Ma na dangana na vidaqira igira ara mate nogo sauba kara maurivisutugua: me ke visana sauba kara gini mage na sage tana mauri saliu, me ke visana sauba ke paluvangamaqira na totu tana vangama saliu.

Isaia 26:19

!Migira sui i laoqira nimami tinoni ara mate nogo sauba kara mauritugua! Na koniqira sauba kara maurivisutugua. Migira sui ara maturu i laona na qiluqira sauba kara mamata ma kara linge tana magemage. Vaga nogo na kolobu e malobusia na barangengo, me vaga goto na Taovia sauba ke maurisivisugira igira ara mate oka nogo.

Linge 40:12

!Inau e danga sosongo na omea seko ara totupoliau, eo, ara danga sosongo me utu na tsokoraeaqira! Niqu sasi ara poropoliau sosongo, me utugana vaniau kau moro; ara danga liusigira na kolina na ivuqu i lovaqu, mau tau saikesa goto malagai.

Linge 40:6

Taovia, igoe o tau kilia na kodoputsa ma na sausau; mo tau goto nongia laka kara savori-kodokodo vanigo na omea tuavati tana belatabu, na mani sese mateqira na sasi. Tagara, migoe o sauvaniau na kuliqu gana kau rongomiginigo,