Linge 139:15 - Ghari

¹⁵ Mi kalina na suliqu ara tuturiga moa na sai i tobana tinaqu, mau lokiloki popoi moa i tana, migoe o donagininogoa laka inau au totu i tana,

Linge 139:15 Referans Kwoze

Sasani Sasaga 11:5

Aia God nogo e aqosigira na omea sui lakalaka, me utu saikesa vanigo ko padagadovia nagua aia e naua, vaga moa goto e utu ko padagadovia e tuturiga koegua na mauri vaolu i laona na tobana kesa na daki tiana.

Linge 139:13

Igoe nogo o aqosigira pipi na turina na koniqu inau, mo molosaigira i laona na tobana tinaqu.

Linge 63:9

Migira ara tovoa laka kara labumatesiau inau, sauba kara ba tsuna i laona na barangengo na mate.

Epesus 4:9

?Laka nagua na rongona na goko vaga ia, “aia e dato baa i gotu vasau”? Na papadana nogoria laka a Iesu Kristo e ida talu na tsuna i lao ba vasau i pipiruna saikesa na barangengo.

Binaboli 11:5

me pipi sui na baka mane botsaida i laona na Ejipt sauba kara mate, e tû konina na dalena mane botsaida na taovia tsapakae ni Ejipt, aia sauba ke tugua tamana tana nina sasana na totukae, me ke tsau bâ i konina na dalena mane botsaida na daki tseka aia e rapasi sila. Ma na daleqira mane botsaida pipi na buluka sauba kara mate sui goto.

Jeremia 1:5

“Au tau vati vusago moa i tobana tinamu, minau au donaginigo nogo. Mo tau vati botsa moa igoe, minau au viligo nogo ko lia na propete vanigira na puku sui.”