Linge 137:3 - Ghari

³ Igira ara raqa tsekagita ara raigita ka linge vanigira; mara tsarivaganana vanigita: “Kamu lingena vanigami kesa na linge ni Sion.”

Linge 137:3 Referans Kwoze

Luka 21:6

“Igira sui na omea girani amu reigira kalina ia, sauba moa ke laba na tagu tana ke tau goto totuvisu tana sasana ke kesa lelee na vatuna. Sauba kara vuipukaligira sui lakalaka.”

Mika 3:12

Bâ, mi tana rongona nogo nimui sasi igamu na tagaovera, ma na manetabu, ma na propete, ti God sauba ke toroutsania na vera ni Jerusalem, me ke lia na tsupu na kutso. Ma na Vungavunga Sion ke lia na kao lê ma kara aqo uta i konina. Ma na tetena i tana e totu na Vale Tabu sauba ke lia na goana atsi.

Jeremia 26:18

“Kalina a Hesekia e taovia tsapakae tana Juda, maia Mika na propete ni Moreset e tsarivanigira na tinoni sui laka na Taovia Susuliga Sosongo e tsaria na goko vaga iani, ‘Na Sion sauba kara qari atsania vaga moa ti na uta, ma na Jerusalem sauba ke toroutsa popono me ke vaga moa ti na tsupu na kutso, ma na tetena i tana e totu na Vale Tabu sauba ke vaga moa ti na goana atsi.’

Jeremia 9:11

Ma na Taovia e tsaria, “Inau sauba kau toroutsania na Jerusalem, me ke lia na nauna i tana ara totu igira na pai atsi. Migira na verabau sui tana Juda sauba kara lia na kaomate, na nauna i tana e tau totuvia sa tinoni.”

Isaia 35:10

Me sauba kara gini mage na labavisutugua i Jerusalem, ma kara lingelinge ma kara gugudato tana magemage. Me sauba kara magemage na dani ma na dani, me ke tau goto ngoligira na melu ma na vatsangi savi.

Linge 80:6

Mo tamivanigira na puku tavosi ara totu poligami kara laua nimami kao; migira gamami gala ara tsirigami lê.

Linge 79:1

God igoe, igira na tinoni ponotoba ara mai mara totuvinogoa na veramu. Mara tangopekea nimu Vale Tabu, mara toroutsani poponoa na Jerusalem.

Linge 65:1

Igoe God e ulagamami sosongo nomoa ti kami tsonikaego i Sion, ma kami manaligira na veke ami naua vanigo,

Linge 9:14

ma kau ba tû i mataqira na toga ni Jerusalem, ma kau katevulagi vanigira na omea vaga inau au tsonikaeginigo. Sauba kau gini magemage tana rongona igoe o laumaurisiau inau.

Nehemia 4:2

Mi mataqira gana duli migira na alaala na mane vaumate ni Samaria aia Sanbalat e tsaria, “?Nagua vaga ara naua igira na Tsiu labelabeaga gira? ?Laka ara padâ kara aragovisutugua na verabau ia? ?Egua ara pada ngatsua laka tana sauana na savori-kodoputsa kara tangomana na suilavaginiana kesa moa na dani na aqo ia? ?Laka tangomana kara adia na vatu tana tsupu na kutso e ganinogoa na lake ma kara vaolusiginia na bara ia?”

1 Turupatu Dato 16:7

Mi tana dani nogo ia ma David e mologinia a Asap migira gana sasanga na Levite tavosi kara tagaovia na linge na tsonikaeana na Taovia.

Isaia 51:11

Migira igoe o laumaurisigira sauba kara ba tsau i Jerusalem, ma kara lingelinge ma kara gugû tana mage. Me sauba kara mage sailagi, me utu goto kara dona na melu ma na ngangai.

1 Turupatu Dato 15:27

Ma David e sagelia na polo vovosi laka, migira sui goto ara linge maia goto a Kenania gaqira ida, migira sui goto na Levite ara kalagaia na Bokisi na Taso, igira sui ara sagelia na polo sere laka. Ma David e sageligotoa kesa na epod.

Goko Tabana 25:20

Na linge vaniana kesa tinoni kalina e ponopala sosongo tobana, e vaga moa ti na adiligi taniana na polona tana tagu na bisi, se na gitsi solo tana bokana.