Linge 136:6 - Ghari

⁶ E ovukaea na barangengo tana maorodo; rongona nina galuve e totu saviliu.

Linge 136:6 Referans Kwoze

Linge 24:2

Aia e logoa na barangengo tana mao rodo, me vaturia na tsutsuvatuna tana levugana na kema.

Jeremia 10:12

Na Taovia e volâ na barangengo tana susuligana nogo aia; mi tana nina sasaga loki e tatakatsinia na baragata.

Tuturigana 1:9

Mi muri, ma God e tsaria, “Kara saikolu na kô i vavana na masaoka ma kara totu kesa moa tana nauna, rongona ke gini laba na momoru.” Me laba vaga aia e tsaria.

Isaia 44:24

“Inau nogo na Taovia nimui Vagamauri; inau nogo au vusagamu. Inau na Taovia, mau vusagira pipi sui na omea. Inau segeniqu moa au tatakatsinia na masaoka; mi kalina au vusâ na barangengo, me tagara goto ke kesa ke sangaau.

Isaia 42:5

God e vusâ na masaoka me tatakatsinia; me aqosia na barangengo me pipi sui na omea mamauri i laona; maia nogo e tusua na magomago na mauri vanigira sui na tinonina. Mi kalina ia, ma na Taovia God e tsarivania nina maneaqo,

Nina Papi A Job 26:7

God nogo e taporatsania popono na masaoka, me tsauraginikaea na barangengo tana nauna e mangamanga lê.

Sekaria 12:1

Iani e vaga nina goko na Taovia e kalea na Israel, aia na Taovia e tatakatsinia na masaoka, me vusâ na barangengo, me tusumauri vanigira na tinoni. Maia e tsaria,

Isaia 40:22

Na Taovia nogo e aqosia, aia e totukae tana nina sasana na totukae i kelana na barangengo, mi gotuna na masaoka; mi kalina aia e morotsunamai, me reigira na tinoni ara tetelo lê vaga moa na loa. Aia nogo e tatakatsinia na masaoka vaga moa kesa na polokatsi, me vaga goto kesa na valepolo gana na totu i laona.

Nina Papi A Job 37:18

God e taporatsania na masaoka i gotu me bulukaea tana sasana, me gini totu kalavata i tana. ?Me laka igoe nogo o sangâ God na aqosiana?