Linge 136:16 - Ghari

¹⁶ Aia e ida vanigira nina toga mara liu tana kaomate; rongona nina galuve e totu saviliu.

Linge 136:16 Referans Kwoze

Na Vaolusi Ketsa 8:15

Aia nogo e idagana sautu vanigamu kalina amu liu bâ i laona na kaomate dama sosongo me mataguniga, i tana ara totu na muata veveiga ma na kavenaliva. I laona na kao mamatsa lê ia, e tagara saikesa sa kô ke totu i tana, ma na Taovia nogo e naua me vuradato vanigamu na kô tana maragova kakai.

Binaboli 15:22

Mi muri, ma Moses e adigira na tinoni ni Israel tania na Tasi Tsitsi mara liu vano tana kaomate ni Sur. Mi laona e tolu na dani popono ara savu tana kaomate ia, mara tau goto tsodoa sa kô.

Binaboli 13:18

Ti aia e adigira tana sautu e ao me liu bâ tana kaomate kalea na Tasi Tsitsi. Migira na Israel ara tangoli manogatinogoa niqira sagore na vailabu.

Linge 77:20

Migoe o tudumigira nimu tinoni toga vaga nogo e kesa e reitutugudougira nina sipi, mo molokaira a Moses ma Aaron kara ka ida vanigira.

Na Vaolusi Ketsa 8:2

Kamu padavisua laka e koegua kalina aia na Taovia nimui God e idagana sautu vanigamu tana kaomate i laona vati sangavulu na ngalitupa, me mologira danga na rota kara gadovigamu gana ke gini tovolegamu, ti aia ke gini donaginia nimui papada, ti vaga kamu murigira manana nina ketsa se tagara.

Isaia 49:10

e utu goto kara dona na vitoa ma na marou. Na paparana na aso ma na kaomate e utu goto ke sekoligira, rongona aia e galuvegira sauba ke idagana sautu vanigira, me ke tudumigira bâ tana ko vuravura.

Nehemia 9:19

Atsa moa igira ara nauvaganana ia, migoe o tau mololegira i laona na kaomate, rongona nimu galuve e loki sosongo. Mo tau goto adiligia na parako se na lake e sausautu vanigira i tana kara liu bâ tana dani ma na bongi.

Nehemia 9:12

Mi laona na dani male igoe o moloa na parako ke idagana sautu vanigira, mi tana bongi o moloa na lake ke mararasia niqira sautu.

Na Vaolusi Ketsa 11:5

Igamu amu donagininogoa na omea sui aia na Taovia e nauvanigamu i laona na kaomate idavia kalina amu tau vati labamai ieni.