Linge 136:10 - Ghari

¹⁰ Aia e labumatesigira na daleqira mane botsaida igira na Ejipt; rongona nina galuve e totu saviliu.

Linge 136:10 Referans Kwoze

Linge 78:51

Aia e labumatesigira sui na daleqira mane botsaida i laoqira pipi na tamadale tana Ejipt popono.

Binaboli 12:29

Mi tana levugata ma na Taovia e labumatesigira sui lakalaka na baka mane botsaida tana Ejipt, e tû tana dalena mane na taovia tsapakae aia sauba ke tugua tamana tana nina sasana na totukae, me tsau bâ tana dalena na mane e totu tana vale sosori; migira sui goto na daleqira botsaida na omea tuavati ara viri mate sui.

Linge 135:8

Mi Ejipt aia e labumatesigira sui na daleqira mane botsaida i laoqira na tinoni ma na omea tuavati sui.

Linge 105:36

Aia e matesigira sui na baka mane botsaida i laoqira na tamadale sui tana Ejipt.

Binaboli 12:12

“Mi tana bongi nogo ia sauba inau kau liusaviliu i laona na kao popono tana Ejipt, ma kau labumatesigira sui pipi na daleqira mane botsaida na tinoni ma na omea tuavati, ma kau kedegira goto pipi sui na god peropero tana Ejipt. Inau nogoria na Taovia.

Hibru 11:28

Rongona nogo a Moses e tutunina laka God sauba ke maurisigira nina tinoni tania na limaqira na Ejipt, ti aia e raigira na tinoni ni Israel kara matesia na sipi. Ma na gabuna kara tsirikaginia tana banina na valeqira, rongona na Angelo na Labumate ke liusaviliu baa tania na valeqira, me ke gini tau labumatesigira na baka mane botsa ida i laoqira na Israel.

Aqoaqo 7:7

Minau sauba kau tuu, ma kau kedegira na tinoni ara nautsekagira na kukuamu igoe. Mi muri baa, me sauba kara vanoligi tania na vera ia, ma kara mai ma kara samamsama vaniau inau tana nauna ieni nogo.’