Linge 136:1 - Ghari

¹ Soadoua na Taovia, rongona e dou aia, ma nina galuve e totu saviliu.

Linge 136:1 Referans Kwoze

Linge 118:1

Soadoua na Taovia rongona e dou aia, ma nina galuve e totu saviliu.

1 Turupatu Dato 16:34

Soadoua na Taovia rongona aia segeni e dou sosongo; ma nina galuve e totu saviliu.

Linge 106:1

!Tsonikaea na Taovia! Soadoua na Taovia rongona aia e dou sosongo; ma nina galuve e totu saviliu.

1 Turupatu Dato 16:41

Mi kaira a Heman ma Jedutun ara ka totu kolugira goto i tana, kolugira goto visana ara viligira nogo gana kara lingena na tsonikaeana na Taovia rongona nina galuve vo oli.

Linge 107:1

“!Ka soadoua na Taovia, rongona aia e dou; ma nina galuve e totu saviliu!”

2 Turupatu Dato 20:21

Mi tana, ma na taovia tsapakae e vaigokovigi kolugira na toga me veisuagira niqira papada, mi muri, maia e ketsaligira visana na tinoni ara dona na raqa linge kara sagelia na poloqira katsi agana na dani tabu, ma kara ida vanigira igira na mane vaumate ma kara linge, “!Tsonikaea na Taovia! !Nina galuve aia e totu saviliu!”

Esra 3:11

Ara linge na tsonikaeana na Taovia mara gini gokovisu na tsaqina goko vaga iani: “Na Taovia e dou sosongo, ma nina galuve vanigira na Israel e totu saviliu me vo oli.” Migira sui ara linge mi gotu na lioqira mara tsonikaea na Taovia, rongona e tuturiga nogo na aqo na molo papakana na Vale Tabu.

2 Turupatu Dato 7:3

Mi kalina igira na toga ni Israel ara reia na lake e tsunamai talu i baragata ma na marara e dangali poponoa na Vale Tabu, migira ara viri puka kovoragi tsuna tana kao, mara samasama vania God mara tsonikaea tana rongona nina doulaka ma nina galuve vo oli.

Luka 1:50

aia e saua nina galuve vanigira ara kukuni tania, igira sui na vatavata ma na vatavata.

Jeremia 33:11

gugû na magemage, ma na tatangina na magemage na kavomutsa na tauga. Me sauba kamu rongomigira na tinoni kara lilinge kalina ara adimaia niqira sausau na soadou i laona niqu Vale Tabu. Migira sauba kara tsarivaganana iani, ‘Soadoua na Taovia Susuliga Sosongo, rongona aia e dou sosongo ma nina galuve e totu saviliu.’ Minau sauba kau naua ma na kao iani ke tamani omea danga vaga nogo tana idana. Inau nogo na Taovia au tsaria na omea iani.”

2 Turupatu Dato 7:6

Migira na manetabu ara tutû tana sasaqira tana ara molovanigira, migira na Levite ara tû aro bâ i koniqira, mara tsonikaeginia na Taovia tana taiana niqira omea tatangi aia David na taovia tsapakae e manogatinogoa vanigira, mara lilinge mara tsaria, “!Nina Galuve aia e Totu Saviliu!” taoninogoa na aqo e molovanigira a David. Migira na manetabu ara uvia niqira tavuli migira na toga sui ara tutû i tana.

Linge 105:1

Soadoua na Taovia, katevulagia gana loki tsapakae; tsarivanigira na puku sui na omea aia e naugira.

Linge 119:68

!Igoe o dou sosongo mo galuve sosongoliau! Ko sasaniau nimu ketsa.

Linge 103:17

Ma nina galuve vo oli na Taovia e totu saviliu vanigira igira ara kukuni tania, ma nina doulaka e totu saviliu vanigira na vatavata ma na vatavata,

Iude 1:21

Kamu totukakai kalavata tana galuvena God, kalina igamu amu pipitua moa a Iesu Kristo nida Taovia tana nina galuve loki ke sauvanigamu na mauri saliu.

Linge 100:5

E dou manana na Taovia ma nina galuve e vo sui, maia e mana saviliu na dani ma na dani.