Linge 135:9 - Ghari

⁹ Mi tana goto aia e aqosigira danga na valatsatsa ma na omea ganataga, ke kedeginia na taovia tsapakae kolugira sui goto nina mane sasanga.

Linge 135:9 Referans Kwoze

Linge 136:15

Maia e lumia na taovia tsapakae ni Ejipt kolugira nina alaala na mane vaumate; rongona nina galuve e totu saviliu.

Na Vaolusi Ketsa 6:22

Mi tana matamami segeni nogo igami, ami reia kalina na Taovia e aqosigira na valatsatsa ma na omea mataguniga loki vanigira na tinoni ni Ejipt, ma niqira taovia tsapakae, migira nina mane sasanga.

Aqoaqo 7:36

Maia goto nogo e raqagira na tinoni tania na vera ni Ejipt, me naugira danga na valatsatsa ma na omea ganataga i Ejipt mi tana Tasi Tsitsi, mi laona goto vati sangavulu na uvi tana legai mangu.

Nehemia 9:10

Migoe o naugira na valatsatsa ma na omea ganataga gana ko tsogori tsunaliginia na taovia tsapakae ni Ejipt, ma nina mane sasanga ma na tinoni sui ni verana, rongona igoe o donagininogoa ara bingisekoli koeguanigira nimu tinoni. Mi tana o sauvulagia na susuligamu vanigira na tinoni sui, ma gamu tangirongo e totu tsaumai i dani eni.

Na Vaolusi Ketsa 4:34

?Me laka sa god ke malagai na sage bâ kesa tana veraloki me ke ba lauligigira kesa na puku popono na tinoni tavosi, me ke naua kara lia nina tinoni segeni, vaga nogo aia na Taovia nimui God e nauvanigamu igamu tana Ejipt? Migamu segenimui nogo amu reiginia na matamui kalina God e gini aqo na susuligana loki tana vera ni Ejipt, me mologira na rota seko loki kara gadovigira, me naugira danga na valatsatsa ma na omea ganataga, me tamia kara laba na omea mataguniga loki sosongo i tana.

Linge 78:12

I mataqira nogo na mumuaqira God e aqosigira na valatsatsa, tana poiatsa ni Soan tana kao ni Ejipt.