Linge 135:6 - Ghari

⁶ Maia e aqosigira na omea sui moa aia e padangaoa i baragata mi barangengo, i laona na tasi mi tana maorodo i lao vasau.

Linge 135:6 Referans Kwoze

Daniel 4:35

Aia e morosigira na tinoni i barangengo vaga moa ti na omea lê. Migira sui na angelo i baragata ma na tinoni i barangengo ara totu sui moa i vavana nina tagao aia. Me tau goto tangomana ke kesa ke utusia nina papada se ke veisuâ tana rongona na omea aia e naua.

Linge 115:3

Ma nida God igita e totu i baragata; me naugira na omea sui aia e padangaoa.

Mateo 28:18

Ma Iesu e garumai i koniqira me tsarivanigira, “Na Tamaqu nogo e tusuvaniau pipi sui na susuliga loki i baragata mi barangengo.

Isaia 46:10

Tu nogo tana tuturigana inau au katevulagigira na omea sauba kara laba tana susuina na tagu, mi sau vasau inau au kate idanogoa na omea ara tau vati laba. Mau tsaria laka pipi sui na omea au vangaraua na nauana e utu saikesa kau terevia, me laka sauba nomoa kau manaligira sui.

Linge 33:11

Migira moa nina pede na Taovia ara totukakai na dani ma na dani; ma na omea aia e padagira ara totu saviliu babâ.

Linge 33:9

Mi kalina aia e goko me botsalaba na barangengo; e moloketsa moa aia mara botsalaba na omea sui.

Amos 9:6

Na Taovia e logo verana i baragata, me tatakatsinia na masaoka i kelana na barangengo. Maia e saoa na tasi me qetutsunâ tana barangengo. !Na Taovia nogo na asana aia!

Amos 4:13

Aia God nogo e aqosigira na vungavunga me moloa na guguri. Maia e tamivanigira na tinoni kara donaginia nina papada; me olia na dani me lia na bongi. Maia e vanovano i kelana na barangengo. !Miani nogo e vaga na soana: na Taovia God Susuliga Sosongo!

Mateo 14:25

Mi tana varavi dani, tana matsairaka rovorovo, ma Iesu e pidiikagira gana duli, me kiki e liliumai tana rarauna na tasi.

Nina Papi A Job 42:2

“Taovia inau au dona nogo laka igoe o Susuliga Sosongo, mo naugira na omea sui moa o padangaoa na nauana, me tau goto tangomana kesa ke tongo vanigo.

Daniel 4:32

Igira sauba kara tsialigigo igoe tania niqira saikolu na tinoni, mo ko ba totu kolugira na omea tuavati atsi, mo ko gani buruburu vaga moa na buluka i laona ke vitu na ngalitupa. Mi muri moa ti igoe sauba ko reigadoviginia laka na God Loki Tsapakae aia segeni moa e susuliga kaputigira pipi sui na veraqira na taovia tsapakae tana barangengo, me laka aia tangomana ke tusua na susuligana vania asei moa aia ke vilia.”