Linge 135:17 - Ghari

¹⁷ Ara tamanina na kuliqira, me utu kara gini rorongo, me tau goto tangomana kara magomago.

Linge 135:17 Referans Kwoze

Jeremia 10:13

E goko moa aia, me alevo na kô i gotu tana masaoka; mara maisai na parako na usa tû tana susuina na barangengo. Maia e naua me kirapi na angaanga i laona na usa, me molomaia na guguri loki talumai tana nina voki na mani mololaka omea levo.

Jeremia 51:17

Migira sui na tinoni ara bubulega mara tau saikesa sasaga. Ara katsugira na titinonina na god peropero ara gini vangamâ, rongona na nununa na god ara aqosia igira ara tau saikesa mana mara tau mamauri.

Hosea 13:2

Igira ara sasi babâ moa tana aqosiginiana na siliva na titinonina na god peropero gana na samasama vaniana, ma na god peropero gira, na tinoni nogo ara botsangigira moa tana niqira papada segeni, mara aqosiginigira na limaqira. Mi muri, mara tû, mara tsaria, “Ida ma ka ba savori-kodoputsa vanigira!” !Migira na tinoni ara ba domigira na titinonina na god peropero tana rereina na buluka!

Habakuk 2:19

!Sauba ke seko sosongo nomoa vanigamu! Igamu amu tû, mamu tsarivania kesa na takutina na gai lê, “!Ko mamata!”, se amu tsarivania kesa na vatu kakatsu, “!Ko tû!” ?Me laka tangomana ke katevulagi vanigamu sa omea na titinoni lê ia? Atsa moa ti amu poroginia na siliva ma na qolumila, me tagara nomoa sa magomago i konina.