Linge 132:9 - Ghari

⁹ Migira nimu manetabu kara nau sailaginia na omea e goto i matamu; migira nimu toga sui kara gudato vanigo tana magemage.

Linge 132:9 Referans Kwoze

Nina Papi A Job 29:14

Pipi kalina moa inau au naugira na omea dou me gotolaka.

Na Katemai 19:8

Mara sauvania na polo male seremaka ke sagelia.” Ma na polo seremaka ia, papadana nogo niqira aqo dou nina tinoni God.

1 Petero 5:5

Migamu na tinoni vaolu nimui aqo kamu nauvaganana goto. Kamu rongomangaqira na tinoni loki. Migamu sui kolu, na tinoni loki ma na tinoni vaolu, kamu dona na palatsuna, ma kamu vaisangagi igamu ruka tabana. Rongona ara katevulaginogoa tana Mamare Tabu laka “God e tukapusigira na kaekae, me vangalaka vanigira ara palatsuna.”

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Linge 132:16

Sauba kau tabugira nina manetabu i laona pipi sui niqira aqo ara naua, migira sui nina tinoni sauba kara linge ma kara gudato tana magemage.

Linge 104:1

!Na tidaoqu ke tsonikaea na Taovia! !Taovia niqu God, igoe o loki tsapakae! Migoe o taovia loki tsapakae me tangi loki na rongomu;

Linge 93:1

Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Roma 13:14

Kamu sagelia na sasagana a Iesu Kristo na Taovia ngiti gamui sagore, ma kamu mololea na tami vaniana na tobamui ke muria nina kilinauseko segeni.

Sepania 3:14

!Kamu linge ma kamu gudato tana magemage igamu na toga ni Israel! !Kamu magemage tana tobamui popono igamu na Jerusalem!

Isaia 65:14

Igira sauba kara lilinge tana magemage, migamu sauba kamu ngangai tana tobamelu.

Linge 149:5

Kara gini magemage nina tinoni God rongona e managaqira tana vailabu, kara linge tana magemage na bongi popono.

Linge 70:4

Migira sui ara mai i konimu igoe, ke dou na tobaqira ma kara gini magemage. Migira sui ara soadougo rongona igoe o maurisigira, kara tau kuti na tsariana, “!Nida God aia e loki sosongo nomoa!”

Linge 68:3

Igira na tinoni e gotodou nogo niqira sasaga ara gini magemage na tû i matana God; me dou na tobaqira mara gudato tana magemage.

Linge 47:1

!Igamu na tinoni sui kamu taporia na limamui, ma kamu gudato vania God tana linge na mage!

Tinoni Pede 5:31

!Taovia e dou bâ ti igira sui gamu gala igoe kara mate vaga ia, migira moa na kulamu igoe kara maka vaga na aso kalina e dato vaolu! Mi tana e laba na rago tana vera ia i laona e vati sangavulu na ngalitupa.

2 Turupatu Dato 6:41

Ko tu tukae nogo kalina ia, igoe Taovia God, me kolua na Bokisi na Taso aia na papadana na susuligamu, ko sagemai i laona na Vale Tabu mo ko totu ieni na dani ma na dani. Ko tabugira sui nimu manetabu tana niqira aqo sui, migira sui goto nimu toga kara gini magemage tana rongona nimu doulaka vanigira.