Linge 130:3 - Ghari

³ ?Ti vaga igoe ko tsokogira sui nimami sasi, me sauba asei ke ulagana na ba tû i matamu igoe?

Linge 130:3 Referans Kwoze

Linge 143:2

Laka kiki na raqaaqu tana pede inau nimu tinoni aqo, rongona e tagara kesa ke tau sasi i matamu igoe.

Linge 76:7

Migoe moa Taovia igira na tinoni sui ara kukuni tanigo sosongo. Mi kalina igoe o kore loki me tau goto tangomana kesa ke baria.

Na Katemai 6:17

Rongona e laba nogo na dani loki i tana nogo ke botsa laba ka koreqira kaira. ?Masei tangomana ke dilaa?”

Nina Papi A Job 10:14

Igoe o totu matengana moa na tuvuiaqu laka ti vaga inau kau tsukia sa sasi, mi tana ti igoe ko gini tamani rongona na sove na padale vaniaqu niqu sasi.

Malaki 3:2

?Masei nomoa tangomana ke baria tana dani i tana aia sauba ke labamai? ?Masei tangomana ke ba tû i matana? Aia sauba ke mai vaga moa na lake papara sosongo ara kodoginia na siliva ma na qolumila, me gini vanoligi na papasa lê e lalokolua. Me ke vaga goto na sopu susuliga gana na tsagi maleana na polo naqunaqu.

Nahum 1:6

?Mi kalina aia e kore loki, me laka asei tangomana ke pitsa tania? ?Masei nomoa tangomana ke baria nina momosatoba loki? E botsalaba na korena loki me iru na matana, mara viri tarutu na vatu, mara lia lê na papasa.

Isaia 53:6

Tana idana, igita sui lakalaka a vaga saikesa na sipi sarevo lê. pipi kesa e tavongani muria kesa nina sautu segeni. Ma na Taovia e molovania aia ke kalagaia na kede e tugua ke gado i konida igita sui.

Nina Papi A Job 15:14

“?Me laka tangomana sa tinoni ke totu male saviliu tana maurina, me ke totugoto saikesa i matana God?

Nina Papi A Job 9:20

Me atsa moa ti e maka i laona na tobaqu laka au tau sasi, ma niqu tsaqina goko sui kau tsaria sauba kara tau moa goto i matana, maia sauba ke kedeginiau moa.

Na Vaolusi Ketsa 9:27

Ko padatugira nimu maneaqo, tugira a Abraham, ma Isaak, ma Jakob, mo ko laka na reiana niqira tsatsarae na tinoni girani, ma niqira tsutsukibo, ma niqira sasi loki ara naua.

Esra 9:15

Taovia God ni Israel, igoe o goto laka, mo tami nomoa kami mauri. Igami ami katevulagi vanigo laka ami sasi manana; me tau saikesa ulagamami na mai totu i matamu.”