Linge 13:2 - Ghari

² ?Me ke oka koegua sagata e kilia inau kau vatsangia na rota tana tidaoqu, me ke melu loki na tobaqu na dani ma na bongi? ?Me ke oka koegua sagata goto igira gaqu gala kara tuliusiau?

Linge 13:2 Referans Kwoze

Jeremia 8:18

Niqu melu e tau saikesa tangomana ke sui, me ponopala sosongo na tobaqu.

Jeremia 15:18

?Rongona gua ti au rota babâ moa vaga ia inau, vaga moa au tamanina na vora loki e utu na taliana? ?Rongona gua ti e tau vati mavu? ?E mana nomoa igoe o tau sangaau. Inau au vaga saikesa nogo kesa tinoni e ba lave lê na kô na inu tana vuravura mamatsa.”

Tangitangi 1:5

Me managaqira igira gana gala na Jerusalem; mara tagaovi kaputia. Na Taovia e naua, maia e gini rota loki mateqira nina sasi danga aia e naugira. Ara tangoligira na dalena mara aditsekavanogira.

Sasani Sasaga 5:17

Igita a mauri moa i laona na rodo, ma na melu, ma na padasavi, ma na kore, ma na lobogu.

Goko Tabana 15:13

Kalina na tinoni ara mage ara dona na kiaqumu, mi kalina e ngoligira na melu, mara moro kesukesuga.

Nina Papi A Job 10:15

Mi kalina ti vaga inau kau puka tana sasi, mi tana migoe o tau kuti na kateli vaniaqu sailagi inau, me ti vaga inau kau naua na omea e goto me dou i matamu igoe, me tau moa peluau sa omea. Minau au paluvangamaqu mau totu sailagi moa tana rota.

Pilipi 2:27

E mana nomoa. E lobogu loki me ngari mate. Ma God e galuvea me gini mauri doutugua. Ma God e tau galuvea a Epaproditus moa, e galuveau goto inau, te e gini didia taniau kesa gaqu rota loki, ti vaga laka ke mate nogo aia.

Roma 9:2

Eo, e melu sosongo na tobaqu, mau tau kuti na gini vatsangi savi na dani ma na bongi

Ioane 16:6

Kalina eni na melu e silovia tobamui rongona au tsarivanigamu na omea girani.

Mateo 26:38

Te aia e tsaria vanitugira, “E melu sosongo na tobaqu inau, me varangi kau gini mate. Tugamu kamu tu totu ieni, ma kamu tu mamata koluau.”

Tangitangi 1:9

Nina sasaga tabaru ara totu malemale saikesa, maia e tau moa gini boe na omea kara laba vania i muri. Aia nogo na rongona te e gini puka saikesa gana susuliga, me tagara goto ke kesa ke verea. Maia e tsaria, “!Taovia, ko galuveau kiki tana niqu rota loki, rongona igira gaqu gala ara tuliusiau nogo!”

Linge 116:3

Na sosorina na mate ara totu polipoliau; ma na papadana na qiluqilu e koviau popono; me ngoli sosongoliau na matagu ma na padasavi.

Linge 74:18

Mo ko padatugugotoa Taovia laka igira gamu gala ara totu matengana moa na kiataginiamu lê, igira ara tau tutunimu, mara peago moa.

Linge 74:10

?God, sauba ke oka koegua igira gamami gala kara kiataginigo igoe? ?Se laka kara totu matengana sailagi moa na soa sekoliana na asamu igoe?

Linge 42:4

E seko manana nomoa na tobaqu kalina au padavisugira na omea ara laba i sau, kalina au dulikolugira na toga mami bâ tana valena God mau idana sautu vanigira kalina ami vavano i tana, migira na toga ara magemage mara lilinge mara gudato tana tsonikaeana God.

Linge 31:18

Ko muisigira igira na vanga peropero igira sui ara dona na molokae segeniqira ma na goko peapea, mara tsirigira na tinoni e gotodou niqira sasaga.

Linge 17:9

kara tau sekoliau igira na tinoni vanga tsutsukibo. Igira gaqu gala ara ngaoa na matesiaqu ara totu poliau.

Linge 10:18

Me sauba ko rongomigotoa niqira ngangaidato igira na baka tinamate, migira ara bingisekoligira; migoe segenimu nogo sauba ko sogogaqira, ti ke gini utugana vanigira na tinoni lê na molo matagu goto vaniaqira.

Linge 9:6

Igira gamami gala ara nanga saviliu nogo; igoe o toroveoa popono niqira verabau, ma na tinoni sui ara padalegira saikesa nogo.

Linge 8:2

mara lingena igira na baka pasa migira goto na baka tetelo. Igoe o totu bibiu dou tanigira sui gamu gala. Mo utusia asei ti vaga aia ke tovoa na tukapusiamu.

Linge 7:2

Kara tau mai vaga na laeone ma kara tangoliau ma kara kalagaiau vano kesa tana nauna i tana ke tau totu kesa ke isutuguqu. Mi tana kara qoru rapasiau.

Esta 7:6

Ma ko Esta e tuguvisua me tsaria, “!Gamami gala, aia e sauligigami, aia nogo a Haman na mane seko iani!” Ma Haman e moro tatavata bâ i ka koniqira na taovia tsapakae ma na daki taovia tana matagu loki.

Nehemia 2:2

te aia e veisuaau, “?Egua igoe ti o moro melumeluga vaga sagata ia? Igoe o tau goto lobogu, me tau utu ngatsu ko gini boe sosongo sa omea.” Minau au gini novo loki sosongo

1 Samuel 24:19

?Asei sagata e dona ke tangolia ganagala, mi muri me ke mololetugua me ke tau sekolia? !Na Taovia ke tabugo igoe rongona na omea o naunogoa vaniau i dani eni!

1 Samuel 18:29

Mi tana, ma Saul e mataguni sosongolia bâ a David, me mologalana tana maurina popono.

Luka 22:53

Minau au totu kolugamu pipi dani i laona na Vale Tabu, migamu tau nogo tovoa na tangoliaqu. Ma nimui tagu nogo igamu kalina ia, ma nina tagu goto na rodo ke tagao.”

Jeremia 45:3

laka igoe a Baruk o tsaria, ‘!Inau au qisi nogo! Au gini rota sosongo nogo na vatsangi savi ma na melu, ma na Taovia e ba pabogotoa niqu rota. !Au gini labe saikesa nogo na kukungu, mau tau goto tangomana kau mango tania niqu rota!’

Linge 38:17

E varangi saikesa nogo kau puka, mau tau nogo kuti na vatsangi savi sosongo.

Linge 6:4

Taovia ko mai tsaku mo ko maurisiau; tana nimu galuve ko laumaurisiau tania na mate.

Tangitangi 5:20

?Ma na rongona gua ti o tsonilegami mo padalegami oka vaga sagata ia?