Linge 128:2 - Ghari

² Na aqo na limamu sauba ko tsodoginia na maurimu; me sauba ko gini magemage mo ko tamanina na omea danga.

Linge 128:2 Referans Kwoze

Isaia 3:10

Migira na tinoni e gotolaka niqira sasaga sauba kara magemage, me ke dou pipi na omea sui vanigira. Me sauba kara adia na peluna niqira aqo dou ara naua.

Isaia 62:8

Na Taovia e gini vatsa tana asana segeni, mi tana susuligana sauba ke manalia na omea e vekea. Aia e tsarivaganana vanigira na tinoni ni Jerusalem: “E utu goto kau tusua vanigira gamui gala na mutsa amu rota na tsukaana, se kau tamivanigira na tinoni ni veratavosi kara inuvia na uaeni igamu nogo amu aqosia. Tagara.

Na Vaolusi Ketsa 28:4

“Na Taovia sauba ke tabugamu ma kamu tamani danga na dalemui, ma kara danga goto nimui omea tsukatsuka, nimui buluka, ma nimui sipi.

Na Vaolusi Ketsa 28:11

Na Taovia sauba ke tusuvanigamu kara danga na dalemui, ma na buluka, ma na omea tsukatsuka i laona na kao aia e vekevanigira na mumuamui ke sauvanigamu.

1 Korint 15:58

Me ti ke vaga ia, migamu na taisiiqu galugaluve kamu susuliga ma kamu tukakai. Kamu aqo saviliu moa tana nimui aqo vania na Taovia, roingoina amu dona nogo laka e utu ke puala lee kesa na aqo ti kamu naua vania na Taovia.

Sasani Sasaga 8:12

E tau utu kesa tinoni sasi ke naua na sasi loki kesa sangatu kalina me ke mamauri moa. Eo, au dona rago laka ara tsarivaganana iani: “Ti vaga igoe ko rongomangana God, me pipi na omea sui sauba kara dou vanigo,

Epesus 6:3

“rongona ke gini dou na maurimu, mo ko gini mauri oka i barangengo.”

Jeremia 22:15

?Me laka aia nogoria sauba ke naua migoe ko gini lia na taovia tsapakae dou bâ, ti vaga ko logoginia na gai na sida na valemu, me ke rereidou bâ liusigira na vale sui tavosi? Na tamamu igoe e tamani omea e tugua na maurina. Aia e nau sailaginia moa na omea e dou me gotolaka, me gini tangomana pipi sui tana omea aia e naugira.

Isaia 65:13

Me vaga ia, minau au tsarivanigamu laka igira ara samasama vaniau inau mara rongomangaqu, sauba ke danga gaqira mutsa ma gaqira inu, migamu moa sauba kamu vitoa ma kamu marou. Migira sauba kara magemage, migamu sauba ke paluvangamamui lê.

Na Vaolusi Ketsa 28:51

Sauba kara ganigira nimui buluka ma nimui omea tsukatsuka, migamu sauba kamu vitoa mate. Me sauba kara tau goto molovisu vanigamu sa mutsa, se sa uaeni, se sa oela na olive, se sa buluka se sa sipi; migamu sauba kamu mate sui.

Na Vaolusi Ketsa 28:39

Me sauba kamu tsukagira rago nimui itai na uaeni ma kamu reitutugugira dou, me utu moa kamu pitsua na vuaqira, se kamu gini aqosi uaeni, rongona na meri sauba kara gania na itaiqira.

Tuturigana 3:19

Mi tana maono na raemu sauba ko tsodoa gamu mutsa, poi tsau kalina ko visutugua tana kao i tana o talumai. Igoe, inau au aqosiginigo na kao, me sauba ko lia tugua na kao.”

Linge 109:11

Ma na tinoni aia e kaoni i konina ke tû, me ke adiligi tania pipi nina omea tatamani sui, migira na tinoni tavosi aia e tau donaginigira kara aditamaniqira na omea sui aia e aqo matena.

Na Vaolusi Ketsa 28:8

“Na Taovia nimui God sauba ke tabugira nimui aqo, me ke dangaliginigira na mutsa nimui vale na molo mutsa. Maia sauba ke tabugamu i laona na kao aia ke tusuvanigamu.

Linge 1:3

Aia e vaga moa ti kesa na gai e vovodato i ligisana na ko tsatsali, me gini molo vuana dou tana tagu laka, me tau goto dona ke matsele lê na rauna. Maia na tinoni vaga ia e tangomana sailagi pipi tana aqo sui e naua.