Linge 126:3 - Ghari

³ !Eo, na omea loki manana nomoa aia e nauvanigita tana tagu ia, migita a gini magemage sosongo!

Linge 126:3 Referans Kwoze

Luka 1:49

tana rongona na omea loki aia God susuliga e nauvaniau. Me tabu loki na asana;

Isaia 66:14

Mi kalina igamu kamu reia ke laba na omea vaga ia, me sauba kamu gini mage; ma kamu susuliga visutugua ma kamu pabo babâ. Mi tana ti sauba kamu donaginia laka inau nogo na Taovia au sangadougira igira ara rongomangaqu, mau sauvulagia na korequ vanigira gaqu gala.”

Na Katemai 12:10

Mi muri, minau au rongomigotoa e kesa e guu i gotu me tsaria, “!Kalina ia, aia nida God e maurisigita nogo igita sui nina tinoni! !E laba maka nogo laka God aia segeni e Taovia Tsapakae, me susuliga loki, me laka na Mesia, aia na Dalena nogo ia, e tagao pukuga vanigira na tinoni sui! Rongona na tidao seko, aia e tutuu i sau i matana nida God, me tau kuti na dani ma na bongi na keliseko vaniaqira na tasida, aia God e tsoniligi suinogoa tania na baragata.

Linge 31:19

!Ara dou sosongo rago nomoa na omea dou igoe o mololakâ vanigira ara kukuni tanigo! Na tinoni sui lakalaka ara donaginia laka igoe o dou sosongo, mo reitutugugira dou igira ara norugo.

Linge 18:50

God e saua na tangomana loki sosongo vania nina taovia tsapakae, me sauvulagia nina galuve e vo oli vania aia e vilinogoa, vaninogoa a David migira na kukuana na dani ma na dani.

Luka 1:46

Maia ko Maria e tsaria, “!Na tidaoqu e tsonikaea na Taovia;

Isaia 25:9

Mi kalina kara reia na omea sui kara laba vaga ia, me sauba na tinoni sui kara tsarivaganana iani, “!Aia saikesa nogo nida God manana igita! Aia nogo igita a vataragi kakai i konina, maia e tû me laumaurisigita. !Aia manana nogo na Taovia! Aia nogo igita a vataragi i konina, mi kalina ia igita a gini magemage me gini dou sosongo tobada rongona aia e maurisigita nogo.”

Linge 68:22

Na Taovia e tsarinogoa, “Sauba inau nogo kau adivisugira gamui gala tania i Basan; ma kau adivisugira tania na mao rodo na kema,

Joel 2:20

Inau sauba kau adiligi tanigamu na alaala loki na kipo ara talumai tabana i vava, ma kau tsialigigira bâ ke visana tana kaomate. Migira na alaala ara idamai sauba kau tsialigigira bâ tana Tasi Mate, migira na tumurina tsotsodo kara ba luvu tana tasi Mediteranean. Ma na koniqira sauba kara viri mabulu ma kara sigini. Minau sauba kau matesiligigira tana rongoqira pipi sui na omea seko ara naua vanigamu.

Joel 2:21

“Migamu na uta sui kamu laka goto na matagu, kamu magemage moa ma kamu linge, tana rongoqira pipi sui na omea dou na Taovia e naua vanigamu.