Linge 124:1 - Ghari

¹ ?Sauba kegua vaga ti na Taovia ke tau nogo totu tabana konida igita? !Israel, ko gokovisu mai!

Linge 124:1 Referans Kwoze

Roma 8:31

?I mataqira na omea dou sui girani, nagua tugua ka tsaria igita? ?Ti vaga God ke totu tabana konida igita, masei goto tangomana ke tukapusigita?

Linge 56:9

Tana dani ti kau soago, migoe sauba ko tsialigigira gaqu gala ma kara tsogo sui. Minau au dona nogo laka God aia e totu tabana koniqu inau

Linge 54:4

Ma God aia nogo e sangaau. Na Taovia aia nogo e isutuguqu.

Linge 120:1

Kalina au totu i laona na rota loki, minau au ngangaidato vania na Taovia, maia e rongomiau.

Linge 94:17

Me ti vaga na Taovia ke tau nogo sangaau inau, me ke oka nogo kau tsaro i laona na qilu.

Linge 121:1

?Inau au morodato tana vungavunga; me laka iava sauba ke talumai aia ke sangaau?

Linge 125:1

Igira ara norua na Taovia ara vaga moa na Vungavunga Sion, aia e utu lelê ke olaola, me utu goto ke ratsubamai.

Linge 46:7

Aia na Taovia Susuliga Sosongo e totu i konida igita. Nina God a Jakob aia nogo e ravisigita.

Linge 27:1

Na Taovia aia nogo niqu marara ma na pukuna niqu sasanga. ?Masei goto sauba kau matagunia? Na Taovia nogo aia e reitutuguau tanigira pipi sui na omea seko. ?Masei kau matagunigotoa?

Linge 127:1

Ti vaga na Taovia ke tau sangâ na logovale, ma niqira aqo igira ara logovale e puala lê; me ti vaga na Taovia ke tau reitutugua na vera, ma niqira aqo igira ara matali vera e puala lê goto.

Linge 129:1

Igoe Israel, ko tsarivanigami laka e koegua vaga ti igira gamu gala ara rotasigo moa, tuturiga kalina igoe o vavaolu moa.

Linge 130:1

I laona niqu rota loki au ngangaidato vanigo Taovia.

Linge 128:1

Ara mage igira ara kukuni tania na Taovia, mara mauri murigira nina ketsa.

Linge 133:1

!E dou sosongo rago na rereina kalina igira nina tinoni God ara mauri tobasai tana rago!

Linge 126:1

!Kalina na Taovia e adivisugita mai i Jerusalem, e vaga moa ti igita a bolebole lê!

Binaboli 15:1

Mi tana ma Moses migira sui na toga ni Israel ara teâ kesa na linge vania na Taovia mara tsaria: “Inau sauba kau linge vania na Taovia, rongona aia e mana sosongo gana; me tsoni luvusigira i laona na tasi igira sui na ose migira ara sage i koniqira.

Linge 132:1

Taovia, ko laka na padaleana a David migira sui na rota loki aia e tsodonogoa.

Linge 123:1

Taovia au morodato i konimu, i gotu i tana igoe o totu mo taovia.

Linge 122:1

Au gini mage sosongo kalina au rongomia ara tsarivaniau, “Ida ma ka vano tana valena na Taovia.”

Linge 46:11

Aia na Taovia Susuliga Sosongo e totu i konida igita; nina God a Jakob aia nogo e ravisigita.

Linge 134:1

Mai ma kamu tsonikaea na Taovia, igamu sui nina tinoni aqo, igamu amu aqo vania i laona nina Vale Tabu tana bongi.

Linge 131:1

Taovia, inau au mololenogoa niqu sasaga kaekae mau tau nogo padaloki segeniqu. Mau tau goto gini boe kau donaginigira na omea loki sui, se na omea ara aotsau liusia na sasagaqu.

Tuturigana 31:42

Me ti vaga ke tau totu koluau niqira God na tamaqu, ka niqira God a Abraham ma Isaak, me tau utu igoe ko tsialigiau lê oka nogo, me ke tagara goto sa omea kau tamanina. Ma God e morosia niqu rota ma na aqo kakai inau au naugira, mi bongi maia e goko kakai sosongo vanigo.”

Linge 56:10

aia nogoria na Taovia au tsonikaea rongona nina veke e naua vaniau.