Linge 123:3 - Ghari

³ Ko galuvegami Taovia, ko galuvegami; ami kolae nogo na rongomiana niqira goko peapea igira na tinoni tavosi.

Linge 123:3 Referans Kwoze

Linge 57:1

Ko galuveau kiki niqu God, ko galuveau, rongona inau au mai kau toturavi i konimu. Tana auauna na rapomu igoe inau kau toturavi poi tsau ke puka na legai loki.

Isaia 53:3

Igita sui a reisavia moa ma sove tania. Maia e berengiti moa tana rota loki ma na vatsangisavi ara gadovia. Me tagara goto ke kesa ke ngaoa na moro bâ i konina aia. Igita sui a reipea moa vaga moa ti aia na omea lê.

Luka 23:35

Migira na toga ara tutuu tana, mara momoro. Migira na taovia na Tsiu ara tuu goto tana, mara gilugana mara tsaria, “Aia e maurisigira rago na tinoni tavosi. !Eo, mi kalina ia, ka reia ti ke maurisi segenina goto, ti vaga aia nomoa na Mesia God e vilinogoa!”

Luka 16:14

Igira goto visana na Parisii ara rongomia kalina a Iesu e goko vaga ia, mara gini gilugana rongona igira nogo ara padaloki sosongolia na qolo.

Linge 4:1

!Niqu God, igoe nogo o isutuguqu! Mi kalina ti kau nongigo, migoe ko rongomia niqu nonginongi. Kalina inau au totu i laona na rota, migoe nogo o sangaau. Mi kalina eni au nongigo ko rongomia niqu nonginongi.

2 Samuel 6:16

Mi kalina ara adisagea na Bokisi na Taso i laona na verabau ia, maia ko Mikal na dalena a Saul e totu i valena me morotsuna bâ tana ovaovana na bisi, me morosia a David na taovia tsapakae e gagavai me tsipudato tana gavai tabu, ma ko Mikal e parâ na mumuta na reiana.

2 Taovia Tsapakae 19:3

Miani nogo e vaga na goko aia e ketsalitugira kara tu ba turupatuna vania a Isaia: “I dani eni nogo na dani na rota loki vanigita; aia God e kedegita me paluvangamada. Igita a vaga saikesa nogo na daki e vatsangia na dalena, me tau moa susuliga ke vasua.

Nina Papi A Job 19:15

Igira sui ara lavu na mai sanga mutsa i valequ ara padaleau saikesa nogo; migira niqu daki aqo ara nauvaniau vaga moa ti inau na tinoni labavô, se na tinoni ni veratavosi.

Tangitangi 3:30

Me atsa moa ti kara labugita ma kara peagita, me dou vanigita moa.

Esekiel 36:6

“Bâ, mo ko tsarivulagia niqu goko iani vania na kao ni Israel: Igamu na vungavunga, ma na tetena, ma na masarina kô, ma na poiatsa, kamu rorongo. Inau na Taovia God au gini kore loki sosongo, rongona igira na puku tavosi ara peagamu mara paluvangamamui igamu.

Esekiel 36:15

Migira na puku tavosi e utu goto kara tsirigamu ma kara paluvangamamui, migamu na vungavunga ni Israel e utu goto kamu raqa sasiligira niqu tinoni. Inau na Taovia au tsaria na omea iani.”