Linge 122:1 - Ghari

¹ Au gini mage sosongo kalina au rongomia ara tsarivaniau, “Ida ma ka vano tana valena na Taovia.”

Linge 122:1 Referans Kwoze

Linge 84:10

Kesa lelê moa na dani na totu i laona nimu Vale Tabu igoe e dou liusia bâ kesa na toga na dani na totu kesa tana nauna segeni; kau reingaoa bâ na totu moa i matsapana na valena niqu God, liusia bâ na totu i laona na valeqira na tinoni vanga tsutsukibo.

Mika 4:2

ma niqira toga sauba kara tsarivaganana iani, “Ida gita ma ka dato bâ tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai mai i Jerusalem i kelana na Vungavunga Sion; mi tana nogo aia e tû te e mologoko bâ vanigira nina tinoni.”

Isaia 2:3

migira niqira tinoni sauba kara tsarivaganana iani, “Ida gita ma ka ba dato tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai moa i Jerusalem i kelana na Vungavunga Sion; i tana nogo aia e tû te e mologoko bâ vanigira nina tinoni.”

Linge 134:1

Mai ma kamu tsonikaea na Taovia, igamu sui nina tinoni aqo, igamu amu aqo vania i laona nina Vale Tabu tana bongi.

Linge 120:1

Kalina au totu i laona na rota loki, minau au ngangaidato vania na Taovia, maia e rongomiau.

Linge 128:1

Ara mage igira ara kukuni tania na Taovia, mara mauri murigira nina ketsa.

Linge 121:1

?Inau au morodato tana vungavunga; me laka iava sauba ke talumai aia ke sangaau?

Linge 123:1

Taovia au morodato i konimu, i gotu i tana igoe o totu mo taovia.

Linge 55:14

Tana idana kaita ka dona na vaigokovigi sai dou, ma na samasama sai i laona na Vale Tabu.

Jeremia 31:6

Eo, e maimai varangi nogo na tagu i tana igira na mane togatoga kara gudato tana tetena ni Epraim ma kara tsaria, ‘Ida ma ka dato bâ i konina na Taovia nida God tana Vungavunga Sion.’ ”

Linge 133:1

!E dou sosongo rago na rereina kalina igira nina tinoni God ara mauri tobasai tana rago!

Linge 131:1

Taovia, inau au mololenogoa niqu sasaga kaekae mau tau nogo padaloki segeniqu. Mau tau goto gini boe kau donaginigira na omea loki sui, se na omea ara aotsau liusia na sasagaqu.

Linge 130:1

I laona niqu rota loki au ngangaidato vanigo Taovia.

Linge 127:1

Ti vaga na Taovia ke tau sangâ na logovale, ma niqira aqo igira ara logovale e puala lê; me ti vaga na Taovia ke tau reitutugua na vera, ma niqira aqo igira ara matali vera e puala lê goto.

Linge 125:1

Igira ara norua na Taovia ara vaga moa na Vungavunga Sion, aia e utu lelê ke olaola, me utu goto ke ratsubamai.

Linge 124:1

?Sauba kegua vaga ti na Taovia ke tau nogo totu tabana konida igita? !Israel, ko gokovisu mai!

Linge 119:111

Igira sui nimu ketsa ara niqu tamani saviliu nogo inau, eo, igira nogo te e gini magemage na tobaqu.

Linge 129:1

Igoe Israel, ko tsarivanigami laka e koegua vaga ti igira gamu gala ara rotasigo moa, tuturiga kalina igoe o vavaolu moa.

Linge 126:1

!Kalina na Taovia e adivisugita mai i Jerusalem, e vaga moa ti igita a bolebole lê!

Linge 42:4

E seko manana nomoa na tobaqu kalina au padavisugira na omea ara laba i sau, kalina au dulikolugira na toga mami bâ tana valena God mau idana sautu vanigira kalina ami vavano i tana, migira na toga ara magemage mara lilinge mara gudato tana tsonikaeana God.

Linge 132:1

Taovia, ko laka na padaleana a David migira sui na rota loki aia e tsodonogoa.

Linge 26:8

Au reingao sosongolia na vale i tana o totu igoe Taovia, na nauna i tana e totu na mararamu.

Esekiel 46:10

Ma na taovia tsapakae nina aqo ke sagemai kalina moa kara sagemai igira na toga, me ke rutsu kalina moa igira kara rutsu.