Linge 12:7 - Ghari

^7-8 Igira na tinoni vanga tsutsukibo ara totu pipi tana nauna sui, migira na tinoni sui lakalaka ara padalokia moa na omea e seko. Migoe Taovia ko ravisigami dou pipi kalina, mo ko maurisigami tanigira na tinoni seko vaga gira.

Linge 12:7 Referans Kwoze

1 Samuel 2:9

“Aia e reitutugudoua na mauriqira igira ara totukakai i konina, migira na vanga tsutsukibo ara tavongani nanga lê i laona na rodo; rongona e tagara ke kesa tangomana ke naua sa omea tana susuligana segeni.

1 Petero 1:5

Eo, ara totu vanigamu nogo igamu, rongona igamu amu tutunina manana nogo God. Maia e tangoli ravitigamu tana susuligana, gana kamu gini tamanina na mauri laka e vangaraunogoa na saulabatiana vanigamu tana susuina na dani.

Linge 145:20

Na Taovia e reitutugugira igira sui ara galuvea, me sauba ke matesigira na vanga tsutsukibo.

Linge 121:8

Aia sauba ke mataligo kalina ko vano mi kalina ko visumai i dani eni mi tana dani ma na dani.

Linge 37:40

Aia e sangagira me maurisigira; me laumaurisigira tanigira na tinoni vanga tsutsukibo rongona ara dona kara vano totu raviravi i konina aia.

Mateo 3:7

Mi kalina a Ioane e reigira ara danga na Parisii ma na Sadusii ara sulungana mai goto kara lesovitabu, maia e tuu me tsarivaganana vanigira: “!Dalena muata igamu! ?Ngatsu igamu amu padaa laka tana rongona moa amu lesovitabu nogo, te e gini utugana ke gadovigamu nina kede God e varangi nogo ke labamai?

Isaia 27:3

“Inau nogo na Taovia au reitutugua niqu uta na uaeni dou sosongo mau sao kona sailagi. Au matalia na bongi ma na dani rongona ke gini tagara goto ke kesa ke tangopekea.

Linge 37:28

rongona na Taovia e reingao sosongolia na omea e goto, me utu sosongo vania ke mololegira nina tinoni ara rongomangana dou. Aia e reitutugugira saviliu na dani ma na dani, ma na kukuaqira igira na tinoni vanga tsutsukibo sauba aia ke tsialigigira saikesa.

Linge 16:1

Au norugo igoe God ko reitutuguau. Minau kau totu ravi dou i konimu.

Linge 10:18

Me sauba ko rongomigotoa niqira ngangaidato igira na baka tinamate, migira ara bingisekoligira; migoe segenimu nogo sauba ko sogogaqira, ti ke gini utugana vanigira na tinoni lê na molo matagu goto vaniaqira.

Na Vaolusi Ketsa 33:3

Eo, na Taovia e galuvegira nina tinoni, me reitutugudougira igira aia e tamanigira. Me vaga ia migita ka tsuporu i matana ma ka muridougira pipi sui nina ketsa.

Iude 1:1

Inau a Iude, inau kesa gana duli a Iesu Kristo ma na tasina a Iakobo, au mare baa vanigamu na leta iani. Igamu sui aia God Tamana e galuvegamu me viligamu, ma Iesu Kristo e reitutugugamu.

Linge 18:31

Na Taovia aia segenina moa e God. God segeni moa aia nida isutugu.

Linge 19:9

Na kukuni taniana na Taovia aia na sasaga e dou, me sauba ke totu babâ saviliu na dani ma na dani. Ma nina pede na Taovia ara mana; mara goto sui pipi kalina.

Linge 119:140

!E mana sosongo nomoa nimu veke igoe! !Minau au padaloki sosongolia!