Linge 12:5 - Ghari

⁵ Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”

Linge 12:5 Referans Kwoze

Linge 34:6

Igira e tagara kesa ke sangagira ara soâ na Taovia, maia e rongomigira; me maurisigira tania pipi sui niqira rota.

Goko Tabana 14:31

Me ti vaga ko bingi sekoligira na tinoni ara tau tamanina sa omea, migoe o peâ God aia e aqosigira; me ti vaga o tobadou vanigira igira ara kili sasanga, migoe o gini tsonikaea God.

Iakobo 5:4

Mamu tau lelee voligira na mane ara aqo i laona nimui uta. !Kamu rongomia niqira tatamanga gamui! E labadato nogo i kulina God na Taovia Susuliga niqira tangitangi na tinoni ara tsurivia nimui uta.

Isaia 33:10

Na Taovia e goko vanigira na puku sui me tsaria, “Mi kalina ia inau sauba kau tû ma kau sauvulagi vanigamu na susuligaqu loki, migamu sauba kamu tsonikaeginiau.

Nina Papi A Job 5:15

Maia God e sogogaqira tania na mate igira ara tau tamanina sa omea; me laumaurisigira igira ara kili sasanga tania na limaqira igira ara bingi sekoligira.

Linge 10:12

!Taovia ko tû mo ko kedegira na tinoni vanga tsutsukibo girani! !Laka na padaleaqira igira ara rota!

Nina Papi A Job 5:21

God sauba ke laumaurisigo tanigira igira ara dona na botsangi goko pero; mo ko gini tau matagu kalina ke laba vanigo sa omea seko.

Isaia 19:20

Mi kaira nogo sauba kara ka lia na papadana laka na Taovia Susuliga Sosongo e totu tana Ejipt. Mi kalina ti kara mai na gala ma kara bingi sekoligira na tinoni ni tana, migira sauba kara ngangaidato vania na Taovia gana ke sangagira, maia sauba ke molovanoa kesa ke laumaurisigira.

Esekiel 18:18

Maia na tamana na baka ia e dona sosongo moa na peqo ma na komi, ma na sekoliaqira na tinoni tavosi. Maia e gini mate tana rongona nina sasi aia segenina nogo e tsukigira.

Sasani Sasaga 5:8

Ko laka na gini beke kalina ko reia na tinoni tagao ara bingi sekoligira na tinoni ara tau tamanina sa omea, mara tau aqosia na pedegoto vanigira, mara tongo vanigira goto na omea ara kilia vania na mauriqira. Pipi tinoni tagao e totu kesa e loki liusia aia me isutuguna, mara totu visana ara loki liusikaira mara isu ka tuguqira goto.

Sasani Sasaga 4:1

Mi muri, minau au morosigira tugua pipi sui na omea tau goto ara tau kuti na laba i laona na barangengo. Au reigira na tinoni seko ara tsogori tsunaligira na kulaqira, migira ara ngangai savosavo, me tagara ke kesa ke sangagira. Eo, e tagara kesa ke malagai na tû me ke sangagira, rongona igira ara bingi sekoligira ara tamanina na susuliga tana niqira tabana.

Linge 10:18

Me sauba ko rongomigotoa niqira ngangaidato igira na baka tinamate, migira ara bingisekoligira; migoe segenimu nogo sauba ko sogogaqira, ti ke gini utugana vanigira na tinoni lê na molo matagu goto vaniaqira.

Linge 10:5

Na tinoni vanga tsutsukibo e tangomana rago pipi tana omea sui aia e naua. Maia e tau lelê padagadovigira nimu pedelaka igoe Taovia; me peagira lê igira gana gala.

Tinoni Pede 10:16

Migira ara tû mara tsoniligigira pipi sui niqira god peropero, mara samasama tugua vania na Taovia. Mi tana maia na Taovia e galuvevisugira na Israel rongona e reia laka ara totu tana rota loki sosongo.

Binaboli 5:2

Ma na taovia tsapakae e veisuakaira, “?Asei vaga na Taovia? ?Rongona gua ti kau rongomangana aia ma kau tamivanigira na Israel kara vano? Inau au tau donaginia na Taovia; me sauba e utu goto kau tamivanigira na Israel kara vano.”

Linge 31:19

!Ara dou sosongo rago nomoa na omea dou igoe o mololakâ vanigira ara kukuni tanigo! Na tinoni sui lakalaka ara donaginia laka igoe o dou sosongo, mo reitutugugira dou igira ara norugo.

Linge 73:8

Ara kiataginigira na tinoni tavosi mara goko seko vanigira; ara kaekae mara vorogokona sailagi na bingi sekoliaqira na tinoni tavosi.

Goko Tabana 18:21

Ma na omea igoe o tsaria e tangomana ke maurisigira se ke matesigira na tinoni; me vaga ia ma nimu aqo ko tabedoua moa na vuana pipi nimu tsaqina goko.

Hosea 7:16

Igira ara tau kuti na piloligi taniaqu inau ma na vano i konina na god peropero e tau saikesa tamani sa susuligana. Me utu na noruaqira vaga moa kesa na parige kekevo. Tana rongona nogo niqira goko kaekae niqira ida, ti sauba igira kara tsodoa na mate seko, migira na Ejipt kara kiataginigira.”