Linge 12:2 - Ghari

² Igira sui lakalaka ara vaiperogi moa; mara gini vaivalogi moa niqira goko puipui.

Linge 12:2 Referans Kwoze

Roma 16:18

Rongona igira ara naua na omea vaga gira ara tau aqo manana vania a Iesu Kristo nida Taovia, ara muria moa na tobaqira segeni. Niqira goko mamarega ma niqira goko lalaro i mataqira na toga ara peroginigira na tinoni tutuni ara tau sasaga katsi tana rongona na lotu.

Jeremia 9:8

Na lapiqira ara vaga saikesa nogo na pipili vavanga; ara tsoni sailaginia moa na goko pero. Pipi tinoni e malapalu moa na goko dou vaniana na kulana, mi laona na tobana e vangarau vania moa gana taviti.

Linge 41:6

Kalina igira ara mai na tsigoviaqu mara tsonia moa na goko kobakoba lê. Ara tsakosaigira na turupatu peropero tana rongoqu inau, mi muri mara vano mara gini goko gaqu bamai pipi tana nauna sui.

Linge 144:8

igira ara tau lelê dona na tsariana sa goko mana, me atsa moa ti kara vatsa mara peropero moa.

Linge 10:7

I laona na mangana aia e danga moa na gokoseko, na pero, ma na gorara tinoni; mi vavana na lapina e totu na goko vavanga ma na goko saisai.

Linge 5:9

Nagua sui moa ti kara tsaria igira gaqu gala me utu saikesa vaniau kau tutunina; igira ara kilia moa na raqasasili tinoni. Na mangaqira e gini mabulu na pero, me dangaligira na tabatu na mate.

Iakobo 1:8

Rongona aia e voo na tagaovidouana nina papada segeni, me olioli sailagi moa nina sasaga.

Linge 28:3

Ko laka na kede sekoliaqu kolugira na tinoni vanga tsutsukibo, me kolugira goto igira ara nausasi, igira ara dona moa na goko puipui vanigira na kulaqira, mi laona na tobaqira e totu moa na tobaseko.

1 Tesalonika 2:5

Igamu dona dou nogo laka tugami ami tu tau saikesa gini mai rongona moa kami tu goko pelupelu vanigamu, tsavuginia na susugu i laona na tobamami. God nogo aia e donaginia tu nimami papada.

Esekiel 12:24

“Mi laoqira na tinoni ni Israel sauba ke tagara goto na momoro peropero, se na kate gokopero gana na mani raqa sasiliginiaqira na toga.

Goko Tabana 29:5

Ti vaga igoe ko goko puipui moa vanigira gamu verakolu, migoe o molo manogatia kesa na taviti vanigo segeni.

Goko Tabana 20:19

Na tinoni e tsebagoko sailagi e utu saikesa ke poia sa omea. Ko totu tabaligi tanigira igira na tinoni ara gogoko sosongo.

Linge 144:11

Maurisiau tanigira gaqu gala seko sosongo; mo ko laumaurisiau tania na limaqira na tinoni ni veratavosi, igira ara tau lelê dona na tsariana sa goko mana, me atsa moa ti kara vatsa mara peropero moa.

Linge 62:4

Migamu amu ngaoa moa laka kamu aditsunâ tania nina sasana totukae; mamu gini mage moa na tsoniana na goko peropero. Tana mangamui lê igamu amu soadouginia, mi laona na tobamui amu vealaginia moa.

Linge 55:21

Nina tsaqina goko ara pui dou, mi laona na tobana e totu moa na reisavi tinoni; ma nina tsaqina goko ara malutsi liusia bâ na oela, mara vavanga saikesa nogo vaga moa ti na isi vavanga.

Linge 59:12

Na sasi e totu sailagi moa tana tutubena na mangaqira; pipi gira sui lakalaka niqira tsaqina goko ara tsonia ara sasi sui moa. !Migoe ko naua migira kara sogo segeni i laona niqira kaekae! Rongona nogo ara dona sosongo na vatsa seko ma na goko peropero,

Linge 38:12

Igira ara ngaoa na matesiaqu ara tsoni tavitiqu. Migira ara ngaoa na sekoliaqu ara gokona kara tsogori pukaliau saikesa, mara tau goto kuti na vorogokona sai na sekoliaqu.

Linge 116:11

Me atsa moa goto kalina au matagu sosongo mau tsaria, “E tagara nomoa kiki ke kesa kau noru kalavatavia inau.”

Goko Tabana 20:6

Ara danga na tinoni ara tsaria laka ara galuve sosongoligira na kulaqira. ?Masei tangomana ke tsodoa kesa aia e nauvaganana manana vanigira na kulana?

Jeremia 7:28

Sauba ko tsarivanigira, ‘Igamu saikesa nogo na puku na tinoni amu tau rongomangana na Taovia nimui God, mamu tau gini sasani na kede e gadovigamu. Na totukakai i konina God e nanga saikesa nogo i laomui. Mamu tau goto nogo gini goko.’

Mika 7:2

Me tagara lelê goto sa tinoni ke gotolaka na sasagana ke totuvisu tana kao ia, me tagara goto ke kesa ke totu kakai konina God. Pipi gira sui ara totu matengana moa na lave sautuna na labumate, ma na sekoliaqira gaqira verakolu.