Linge 12:1 - Ghari

¹ !Taovia ko mai mo ko sangagami! E tagara goto sa tinoni dou ke totuvisu; me tau goto tangomana na tsodoana sa tinoni ke goto nina sasaga.

Linge 12:1 Referans Kwoze

Jeremia 5:1

!Igamu na tinoni ni Jerusalem, kamu ulo bâ tana nimui sautu loki! !Momoro bamai ma kamu morosi segenimui! !Kamu ba lalave tana nauna gana na tsabiri omea! ?Laka tangomana kamu ba tsodoa ke kesa tinoni e naua sa omea dou, me tovoa manana ke totukakai i konina God? Bâ, ti vaga kamu tangomana na tsodoana kesa, ma na Taovia sauba ke padalea nimui sasi igamu na Jerusalem.

Isaia 57:1

Igira na tinoni dou ara mate, me tagara ke kesa ke gini boeginigira, se ke padagadovia rongona gua ti ara mate. Mi kalina igira ara mate, me tagara goto sa omea seko tangomana ke sekoligira.

Mateo 24:12

Tana rongona nogo na omea seko vaga gira, ti sauba ke gini bisi lee visu niqira vaigaluvegi danga na tinoni.

Isaia 63:5

Mau beke sosongo inau kalina au morodato mau tau goto reia ke kesa ke sangaau. Bâ, ma niqu momosatoba loki nogo e susuligasiau, mau gini tangomana segeniqu.

Linge 6:1

!Taovia ko laka na kore ma na goko kakai vaniaqu! !Ko laka na kedeaqu tana nimu momosatoba!

Goko Tabana 20:6

Ara danga na tinoni ara tsaria laka ara galuve sosongoligira na kulaqira. ?Masei tangomana ke tsodoa kesa aia e nauvaganana manana vanigira na kulana?

Tuturigana 6:12

Ma God e morosia na barangengo, me reia laka e seko sosongo, rongona igira na tinoni sui ara mauri moa tana sasi.

Mateo 8:25

Migira gana duli ara galisia a Iesu mara tsarivania, “!Ko maurisigita Taovia! !Sauba ka mate igita!”

Isaia 1:9

Me ti vaga na Taovia Susuliga Sosongo ke tau tamivanigira visana nida tinoni kara mauri, ma na Jerusalem ke toroutsa popono saikesa, vaga nogo kaira na Sodom ma na Gomora i sau.

Linge 54:1

!Niqu God, tana susuligamu ko maurisiginiau; mi tana susuligamu loki ko isutuguqu!

Linge 6:4

Taovia ko mai tsaku mo ko maurisiau; tana nimu galuve ko laumaurisiau tania na mate.

Linge 3:7

!Taovia ko mai! !Niqu God, ko maurisiau! Ko kedegira sui gaqu gala, mo ko pualasilea gaqira susuliga gana na sekoliginiaqu.

Mateo 14:30

Mi kalina a Petero e reigotoa na guguri ma na tasi loki vaga ia, me gini matagu me tuturiga na lulumi. Me guu me tsaria, “!Ko maurisiau Taovia!”

Isaia 59:4

Mi kalina amu vano tana tinete mamu tau saikesa naua na pedegoto. Igamu amu vataragi moa tana nimui goko pero ke gini managamui. Mamu botsangia moa na omea seko mamu sekoliginigira na tinoni tavosi.