Linge 119:9 - Ghari

⁹ ?Ke naukoeguania kesa na tinoni vaolu ti ke gini male dou nina sasaga? Tana muridouaqira moa pipi nimu ketsa igoe.

Linge 119:9 Referans Kwoze

2 Timoti 2:22

Ko kana tanigira na ngaoseko sui ara dona na laba i tobaqira na tinoni vaolu. Mo ko gini ngongoragi matena moa ko totugoto dou i matana God tana tutuni ma na galuve ma na rago, kolugira igira sui e male nogo na tobaqira mara norua moa na Taovia ke sangagira.

Josua 1:7

Eo, migoe ko padakuti matena moa mo ko malagai dou; ma nimu aqo ko taoni poponoa na Ketsa aia a Moses niqu maneaqo e saunogoa vanigo. Mo ko laka saikesa goto na mololeana ke kesa na turina, ma ti ko nauvaganana ia, me sauba ko gini tangomana pipi sui tana omea ko naua, atsa moa ti iava ko vano.

Linge 25:7

Mo ko laka goto na padatuguaqira niqu sasi au naua kalina au tinoni vaolu moa. !Tana nimu galuve vo oli ma nimu tobalaka ko padaau Taovia, rongona igoe o dou sosongo!

Linge 119:11

Inau au puku kalavatavigira nogo nimu ketsa i laona tobaqu, rongona kau gini tau naua kesa na omea ke seko i matamu.

Goko Tabana 1:10

Dalequ, kalina igira na tinoni vanga nausasi kara molo tabotabo vanigo, migoe ko laka na tamisegenimu vaniaqira.

Linge 34:11

Kamu mai i koniqu igamu na tinoni vaolu, ma kamu rongomi vatavia niqu goko, minau kau sasaniginigamu na pada mamavasiana na Taovia.

Ioane 15:3

Igamu amu male manoga nogo, ginia na sasani inau au saua vanigamu.

Sasani Sasaga 11:9

Igoe tinoni vaolu, ko gini mage nimu datovaolu. Ke mage tobamu kalina igoe o vavaolu moa. Ko nauragoa na omea sui o padangaoa na nauana, mo ko muria na omea e kilia na tobamu. Mo ko laka moa na padaleana laka God sauba nomoa ke pedego taonia na omea sui igoe o naugira.

Goko Tabana 4:1

Igamu na dalequ, kamu rongomia na omea au sasaniginigamu inau na tamamui. Kamu puku kalavatavia niqu goko me sauba kamu tamanina na papadagado.

Goko Tabana 1:4

Me tangomana goto kara sangagira na tinoni ara tau sasaga katsi kara sasaga, me ke sasaniginigira na tinoni vaolu kara dona na vilivotadouana na omea kara naua.

Goko Tabana 7:7

mau reigira danga na mane vaolu ara liu tavetada i sautu mara tau vati sasaga gana ngongo sa omea, mau morosia kesa i laoqira e tau saikesa sasaga.

Nina Papi A Job 1:5

Mi tana matsaraka na dani i murina pipi na kavomutsa, maia Job ke mamata bongibongi me ke ba savori-kodoputsa mateqira pipi na dalena, rongona ke gini naua na suisui tu mateqira. Aia e nauvaganana sailagi ia rongona e padâ vaga iani, “E tau utu ti igira na dalequ kara totu tana sasi tana goko seko vaniana God i laona na tobaqira.”

Luka 15:13

“Me visana moa na dani i muri, maia na muriti baka e tsabiria nina turina na kao, me adia na qolona, me mololea na verana me vano kesa tana vera ao, mi tana e sekolilegira nina qolo tana mauri bubulega.

2 Turupatu Dato 6:16

Mi kalina ia, Taovia na God ni Israel, inau au nongigo ko manaligotoa e kesa segeni goto nimu veke o nauvania na tamaqu kalina igoe o tsarivania, ‘Pipi kalina sauba ke kesa nogo vidaqira na kukuamu igoe ke adidatoa babâ nimu aqotagao me ke lia na taovia tsapakae tana Israel, ti vaga igira kara muridoua niqu Ketsa vaga nogo igoe o naua.’

Nina Papi A Job 13:26

“Igoe o keli loki sosongo vaniau, mo kateli vaniau goto na omea au naugira kalina inau au tinoni vaolu moa.

Na Vaolusi Ketsa 17:18

Mi kalina aia ke lia nogo na taovia tsapakae, ma nina aqo ke tamanina kesa na papina nina ketsa God vaga e totu i koniqira na manetabu tana puku konina a Levi.

Linge 17:4

Au tau goto tsonia ke kesa na goko ke seko vaga ara naua igira visana. Inau au muridougira pipi sui nimu ketsa, mau tau goto muria niqira sautu igira na tinoni vanga momosatoba.

Goko Tabana 2:11

Nimu morogado ma nimu padagado igoe sauba kara ka reitutugugo,