Linge 119:11 - Ghari

¹¹ Inau au puku kalavatavigira nogo nimu ketsa i laona tobaqu, rongona kau gini tau naua kesa na omea ke seko i matamu.

Linge 119:11 Referans Kwoze

Linge 37:31

Maia e puku kalavatavia nina ketsa God i laona na tobana me utu goto ke liuligi tania.

Kolose 3:16

Pipi sui na goko tana rongona a Iesu Kristo kara mauri kalavata i laona na tobamui. Kamu gini vaisasanigi ma kamu vaikakaisigi dou kolua pipi sui na vangana nimui dona. Kamu lingegira na Linge Tabu migira goto na linge na lotu. Eo, kamu linge vania God ma kamu soadoua i laona na tobamui popono.

Linge 40:8

!Niqu God, au gini mage manana na nauana na omea igoe o kilia! Mau tangoligira kakai nimu ketsa tana tobaqu popono.”

Jeremia 15:16

Igoe o goko vaniau, minau au rongomi vatavia pipi sui nimu tsaqina goko. Inau nimu tamani nogo igoe Taovia God Susuliga Sosongo, me gini mage sosongo tobaqu na rongomiana nimu goko.

Linge 1:2

Na tinoni dou vaga ia, e tsodoginia nina magemage tana muriana nina Ketsa na Taovia, me tau kuti na padaana i tobana na dani ma na bongi.

Nina Papi A Job 22:22

Ko tabedougira na omea aia e sasaniginigo; ma nina tsaqina goko sui ko mololakagira i tobamu.

Linge 119:97

!Taovia au reingao sosongolia nimu ketsa! Mau papadâ moa tana dani popono.

Isaia 51:7

“Kamu rongomiau inau, igamu amu donagininogoa na omea e goto me mana, me pukuga kalavata nogo i tobamui niqu sasani. Kamu laka na matagu kalina kara tsari levolevo vanigamu ma kara gokopeagamu,

Goko Tabana 2:1

Dalequ, ko pukudoua na omea inau au sasaniginigo, mo ko laka saikesa na padaleana na omea au tsarivanigo na nauana.

Luka 2:19

Ma ko Maria e padatugutugugira na omea sui girani, me pukugira dou i tobana.

Linge 19:13

Ko maurisiau tanigira goto igira niqu sasi au tamia manana na nauana. Mo ko laka na tamivaniaqira kara tagaoviau goto. Mi tana nogo ti ke gini gotolaka niqu sasaga, ma kau totu tanusi tania na sekona na sasi.

Luka 2:51

Ma Iesu e tuu me tsari ka muriiqira, me visu i Nasaret, me rongomia ka mangaqira tana. Maia na tinana e mololakaa i tobana pipi sui na omea vaga gira.