Linge 118:6 - Ghari

⁶ Na Taovia e totu i koniqu, me utu kau matagu. ?Me vaga ia ma nagua tangomana ke kesa ke nauvaniau?

Linge 118:6 Referans Kwoze

Hibru 13:6

Vaga ia, me ida gita ma ka malagai na tsariana tana gokona na Linge Tabu, “Na Taovia niqu sasanga, me utu kau matagu. ?Nagua tangomana kesa na tinoni lee ke naua vaniau?”

Roma 8:31

?I mataqira na omea dou sui girani, nagua tugua ka tsaria igita? ?Ti vaga God ke totu tabana konida igita, masei goto tangomana ke tukapusigita?

Linge 56:4

Au norukakaia moa God mau tau matagu; au tsonikaea rongona na omea aia e vekenogoa vaniau. ?Me vaga ia, ma na seko gua tangomana kesa na tinoni lê moa ke nauvaniau inau?

Linge 56:11

I konina nogo ia inau au tsotsovata, me sauba e utu kau matagu. ?Me vaga ia, ma na seko gua tangomana kesa na tinoni lê moa ke nauvaniau inau?

Linge 56:9

Tana dani ti kau soago, migoe sauba ko tsialigigira gaqu gala ma kara tsogo sui. Minau au dona nogo laka God aia e totu tabana koniqu inau

Jeremia 20:11

Migoe Taovia o tabana koluau, mo malagai susuliga sosongo, migira ara rotasiau e utu moa ke managaqira. Sauba kara paluvangamaqira saviliu, rongona e utu saikesa kara tangomana. Ma niqira paluvangamâ sauba e utu saikesa na tinoni kara padalea.

Isaia 51:12

Ma na Taovia e tsaria, “Inau nogo au susuligasigamu. ?Megua ti kamu matagunia moa na tinoni lê, aia e dona ke mate tsaku lê vaga moa na buruburu?

Linge 23:4

Atsa moa ti inau kau liu i laona na rodo pulipuli, me sauba e utu goto kau matagu, rongona igoe nogo Taovia o totu koluau. Ma gamu itoro ma nimu bao igoe o reitutuguginiau.

Linge 46:11

Aia na Taovia Susuliga Sosongo e totu i konida igita; nina God a Jakob aia nogo e ravisigita.

Linge 146:5

Ke mage na tinoni aia e norua nina God a Jakob ke sangâ, me tsotsovata moa i konina na Taovia nina God,

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

1 Samuel 17:11

Mi kalina a Saul migira nina mane vaumate ara rongomia na goko vaga ia, mara matagu loki sosongo.

1 Samuel 17:37

Na Taovia e maurisiau nogo tanigira na laeone ma na pai atsi; maia sauba ke maurisiau goto tania na Pilistia iani.” Ma Saul e tsarivania, “E dou, ko bâ igoe ma na Taovia ke totu i konimu.”

Linge 56:5

!Tana dani popono igira gaqu gala ara tovokakaia na rotasiaqu; pipi kalina moa ara totu matengana na lave sautuna na sekoliaqu!

Linge 56:10

aia nogoria na Taovia au tsonikaea rongona nina veke e naua vaniau.

Linge 56:12

Eo, niqu God sauba kau savori vanigo na omea au vekenogoa vanigo; sauba kau saua vanigo niqu savori na soadou,

Linge 94:16

?Me laka asei e isutuguqu inau tanigira na vanga tsutsukibo gira? ?Masei e sangaau na tukapusiaqira na vanga nauseko gira?

Linge 112:8

E tau goto dona ke padasavi se ke matagu, rongona aia e dona nogo laka sauba e utu ke managaqira igira gana gala.