Linge 117:2 - Ghari

² E loki sosongo nina galuve na Taovia, maia e mana saviliu vanigita. !Tsonikaea na Taovia!

Linge 117:2 Referans Kwoze

Isaia 25:1

Taovia igoe nogo niqu God; minau sauba kau soadatogo ma kau tsonikaea na asamu tabu. Igoe o naugira danga na omea ganataga loki; mo manaligira saikesa pipi sui na omea igoe o vangaraua na nauaqira i sau.

Linge 103:11

E loki sosongo nina galuve na Taovia vanigira ara kukuni tania, e loki vaga nogo na aona e tû i lao tana kao me tsaudato i gotu vasau tana masaoka.

Linge 89:1

Taovia, inau sauba kau lingena sailagi tana rongona nimu galuve vo oli; ma kau katevulagia na manana nimu doulaka saviliu na dani ma na dani.

1 Ioane 5:6

A Iesu Kristo nogo, aia e mai tana koo nina batesimo mi tana gabuna na mateana. E tau mai tana koo moa, me mai tana koo ma na gabu kaira sui. Ma na Tarunga Tabu, na Tarunga na Manana, aia segeni nogo e tsaria laka e manana na omea iani.

Linge 85:10

Mi tana tagu ia, sauba igira na tinoni kara dona na vaigaluvegi ma na vaitabegi; me ke gotodou niqira sasaga, ma kara totu tana rago.

Ioane 14:6

Ma Iesu e tsarivania a Toma, “Inau nogo na sautu, ma na manana, ma na mauri. Tau tangomana ke kesa ke balaba i konina na Tamaqu ti ke tau liu talu i koniqu inau.”

Mika 7:20

Me sauba ko sauvulagia nimu tobalaka ma nimu galuve vo oli vanigira nimu tinoni, igira ka kukuaqira kaira a Abraham ma Jakob, vaga nogo igoe o vekea vanigira na mumuamami i sau.

Linge 146:6

aia e aqosia na baragata ma na barangengo ma na tasi, me pipi sui na omea i laoqira. Na Taovia e manaligira pipi sui nina veke,