Linge 115:3 - Ghari

³ Ma nida God igita e totu i baragata; me naugira na omea sui aia e padangaoa.

Linge 115:3 Referans Kwoze

Linge 135:6

Maia e aqosigira na omea sui moa aia e padangaoa i baragata mi barangengo, i laona na tasi mi tana maorodo i lao vasau.

Daniel 4:35

Aia e morosigira na tinoni i barangengo vaga moa ti na omea lê. Migira sui na angelo i baragata ma na tinoni i barangengo ara totu sui moa i vavana nina tagao aia. Me tau goto tangomana ke kesa ke utusia nina papada se ke veisuâ tana rongona na omea aia e naua.

Isaia 46:10

Tu nogo tana tuturigana inau au katevulagigira na omea sauba kara laba tana susuina na tagu, mi sau vasau inau au kate idanogoa na omea ara tau vati laba. Mau tsaria laka pipi sui na omea au vangaraua na nauana e utu saikesa kau terevia, me laka sauba nomoa kau manaligira sui.

Epesus 1:11

Pipi sui na omea ara laba ara muria nina papada ma nina pede God. Tumai nogo tana tuturigana tsotsodo aia God e viligami igami na Tsiu kami lia nina tinoni segeni nogo i laona a Iesu Kristo.

Linge 103:19

Na Taovia e vaturia nina sasana na totukae i gotu i baragata; maia e taovia tsapakae kaputigira na omea sui.

Roma 9:19

Me tau utu ke kesa i laomui ke tuu me ke tsarivaniau: “?Ae, me ti ke vaga ia, me ke koegua God ti ke kore vania kesa tinoni? ?Asei tangomana ke tukapusia nina kili God?”

Linge 2:4

Ma na Taovia, aia e totu tana sasana i baragata, e kiataginigira, me gilugaqira.

Mateo 6:9

Mi kalina ti igamu kamu tuu na nonginongi, miani kamu tsarivaganana: ‘Tamamami i gotu: Ke tabu na asamu;

Linge 123:1

Taovia au morodato i konimu, i gotu i tana igoe o totu mo taovia.

1 Turupatu Dato 16:25

Na Taovia e loki tsapakae, me ulagana sosongo nomoa igita ka tsonikaea; aia nogo igita ka kukuni loki tania liusigira bâ na god tavosi sui.

Linge 68:4

Linge vania God, lingena na tsonikaeana na asana; vangaraua na sautu vania aia e totukae i kelana na parako. !Na Taovia nogo na asana, migamu kamu gini mage na tû i matana!

Nina Papi A Job 23:13

“Aia e tau goto dona ke olia nina papada. Me tagara goto ke kesa tangomana ke tukapusi vania, se ke tongo vania na nauana na omea aia e padangaoa na nauana.

Daniel 4:32

Igira sauba kara tsialigigo igoe tania niqira saikolu na tinoni, mo ko ba totu kolugira na omea tuavati atsi, mo ko gani buruburu vaga moa na buluka i laona ke vitu na ngalitupa. Mi muri moa ti igoe sauba ko reigadoviginia laka na God Loki Tsapakae aia segeni moa e susuliga kaputigira pipi sui na veraqira na taovia tsapakae tana barangengo, me laka aia tangomana ke tusua na susuligana vania asei moa aia ke vilia.”