Linge 114:1 - Ghari

¹ Kalina igira na toga ni Israel ara mololea i Ejipt, kalina igira na kukuana a Jakob ara mololea niqira kao na tinoni ni veratavosi,

Linge 114:1 Referans Kwoze

Linge 81:5

Aia e moloa vanigira na tinoni ni Israel kara muria kalina aia e bokia na vera ni Ejipt. Au rongomia na tatangina na liona kesa au voginia e goko me tsarivaniau:

Binaboli 13:3

Ma Moses e tsarivanigira na tinoni, “Kamu padatugutugua na dani iani na dani i tana igamu amu mololea i Ejipt, aia na vera i tana igamu amu totu tseka. Iani nogo na dani i tana na Taovia e adirutsumigamu tana susuligana loki. Kamu laka goto na ganiana sa bredi ara aqosiginia na isti.

Tuturigana 42:23

Ma Josep e rongomigadovia moa na omea sui ara tsaria igira, migira ara tau donaginia rongona a Josep e goko vanigira tana goko ni Ejipt, me gini aqo kesa tinoni tavosi gana ke oligoko vanigira.

Isaia 11:16

Me sauba ke totu kesa na sautu loki niqira mani liu igira nina tinoni ni Israel kalina kara mololea na Asiria, vaga nogo e nauvanigira na mumuaqira i sau kalina ara mololea i Ejipt.

Na Vaolusi Ketsa 16:1

Ma Moses e goko babâ me tsaria, “Pipi na ngalitupa tana vula na Abib, nimui aqo kamu lokisia na Dani Tabu na Paseka gana kamu padalokia na Taovia nimui God, rongona i sau e kesa bongi i laona nogo na vula vaga ia, na Taovia e laumaurisigamu tania i Ejipt.

Na Vaolusi Ketsa 26:8

Maia e tû, mi tana susuligana loki e laumaurisigami tania na limaqira na Ejipt. E aqosigira danga na valatsatsa ma na omea ganataga, me naua mara laba danga na omea mataguniga loki.

Binaboli 20:2

“Inau na Taovia nimui God minau nogo au adirutsumigamu tania na Ejipt i tana igamu amu totu tseka.

Binaboli 12:51

Mi tana dani nogo ia, ma na Taovia e adirutsumigira na tinoni ni Israel tania na Ejipt taoninogoa niqira puku.

Linge 81:6

“Inau nogo au sulutsunâ na kalagai mamava tania na kokovemui; mau adiligia na tsupu na vatu amu tabeleginia na limamui.