Linge 113:9 - Ghari

⁹ Maia e galuvea na daki tauga e mamane, me sauvania danga na dalena; me gini mage sosongo na daki ia i laona na valena. !Tsonikaea na Taovia!

Linge 113:9 Referans Kwoze

Linge 68:6

Aia e tusua na vale kara tamanina igira ara totu segeniqira, me nusigira ara totu sosori me mologira kara totu magemage tana kao lakataga. Migira ara sove tania God, sauba kara totu saviliu moa tana kaomate.

1 Samuel 2:5

Migira ara dona na mutsa masu dou tana idana, kalina eni ara mala tsekagira segeni tana aqo rongona na mutsa, migira ara vitoa tana idana, ara tau nogo vitoa. Maia na daki mamane e vasunogoa e vitu na dalena, maia na daki e tamanina danga nogo na dalena, kalina eni e utu nogo vania ke tamani baka.

Isaia 54:1

Na Taovia e goko me tsaria, “Jerusalem, igoe o vaga kesa na daki mamane, mi kalina ia ko lilinge mo ko gudato tana mage, rongona sauba kara danga na dalemu, liusia na daki na savana e totu moa i konina.

Galatia 4:27

Rongona ara marenogoa tana Mamare Tabu “!Ko mage igoe na daki mamane! !Ko guguu dato tana magemage, igoe o tau gini rota na vasubaka! Rongona aia na daki na savana e mololea sauba ke tamanina danga baa na dalena, liusia aia na daki e totu kolua na savana.”

Tuturigana 25:21

Ma Isaak e nonginongi vania na Taovia rongona e totu mamane ko Rebeka na tauna. Ma na Taovia e rongomia nina nonginongi me gini tiana ko Rebeka.

Tsoko Tinoni 5:28

Me ti vaga na daki ia e tau naua sa sasi, me sauba na kô ia ke tau lelê labusaginia, me sauba ke tangomana moa na tamani dalena.

2 Taovia Tsapakae 4:17

Me laba vaga saikesa nogo e katea a Elisa. Tana gana ngongo na tagu vaga ia tana ngalitupa vaolu, ma na daki ia e vasua kesa na dalena mane.