Linge 112:8 - Ghari

⁸ E tau goto dona ke padasavi se ke matagu, rongona aia e dona nogo laka sauba e utu ke managaqira igira gana gala.

Linge 112:8 Referans Kwoze

Linge 118:7

Na Taovia e totu tabana koluau inau me sangaau, me sauba kau reia kalina aia ke tuliusigira gaqu gala.

Linge 91:8

Sauba igoe ko morosiginia na matamu segeni nogo na kede ke gadovigira na tinoni vanga tsutsukibo.

Linge 59:10

Niqu God e galuveau maia sauba ke mai i koniqu; maia ke tamivaniau ma kau reia kalina ke tuliusigira sui gaqu gala.

Linge 31:24

Migamu kamu tukakai ma kamu malagai, igamu sui amu norua na Taovia.

Hibru 13:9

Kamu laka na tamivaniana pipi na vatana na sasani bubulega ke raqa sasiligamu tania na sautu dou. Nina vangalaka moa God e dona ke sangagita ti ka gini tukakai, ma tau gini tukakai tana muriana moa na vali tana rongona na mutsa. Migira ara muria na ketsa ma na vali vaga gira e tau lelee pelugira sa omea.

Goko Tabana 3:33

Na Taovia e vealaginia na valeqira na tinoni vanga tsutsukibo, me tabua na valeqira igira e gotolaka niqira sasaga.

Linge 92:11

Au reilakana kalina igoe o tuliusigira gaqu gala, mau rongomia niqira kakanga igira na vanga tsutsukibo.

Linge 27:14

Ka norukakaia moa na Taovia. Ka tutunina, ma ka malagai. Eo, ka noru saikesalia moa na Taovia.

Linge 37:34

Norukakaia na Taovia ma kamu muridougira nina ketsa sui; maia sauba ke padalokigamu me ke tusuvanigamu na kao, migamu sauba kamu reia kalina aia ke tû me ke tsialigigira igira na tinoni vanga tsutsukibo.

Linge 49:6

igira ara tsotsovata segeni tana niqira omea levolevo danga mara gini kaekae tana niqira tamani danga.

Linge 118:6

Na Taovia e totu i koniqu, me utu kau matagu. ?Me vaga ia ma nagua tangomana ke kesa ke nauvaniau?