Linge 112:4 - Ghari

⁴ Na marara e maka tana rodo vanigira na tinoni e dou niqira sasaga, igira ara dona na galuve ma na sangaaqira na tinoni tavosi, me goto niqira sasaga i matana God.

Linge 112:4 Referans Kwoze

Nina Papi A Job 11:17

Ma na maurimu sauba ke maka liusia na mararana na aso tana niaso vota, migira sui na rota o vatsangia vaga moa ti o totu i laona na rodo tana bongi, sauba igira sui kara oli, ma kara maka vaga moa ti i laona na dani male.

Isaia 58:10

me ti vaga kamu palagira igira ara vitoa, ma kamu tusu omea vanigira ara tau tamanina sa omea, mi tana nogo ti na rodo e totu polipoligamu kalina ia ke oli, me ke lia vaga na mararana na niasovota.

Linge 97:11

Na marara e mararasigira na tinoni dou, ma na magemage e dangaligira igira e goto niqira sasaga.

1 Ioane 3:7

!Dalequ, kamu laka saikesa goto na tamivaniana kesa tinoni ke peroigamu lee! Asei e naua na omea e goto, maia e gotolaka saviliu nogo, vaga a Iesu Kristo aia e gotolaka saviliu.

Luka 6:36

Kamu vaigaluvegi vaga nogo God na Tamamui aia e galuvegamu.

1 Ioane 2:29

Amu dona nogo laka a Iesu Kristo aia e goto saviliu. Me vaga ia, ma kamu dona goto laka pipi sei e gotolaka na sasagana, aia e dalena God nogoria.

Epesus 4:32

Igamu, kamu tobadou pipi kalina, kamu vaigaluvegi ma kamu vaisangagi. Kamu padalegira na omea seko ara nauvanigamu na tinoni tavosi, vaga nogo God e padalegira nimui sasi igamu rongona nina aqo a Iesu Kristo.

Linge 106:1

!Tsonikaea na Taovia! Soadoua na Taovia rongona aia e dou sosongo; ma nina galuve e totu saviliu.

Epesus 5:9

Rongona na vuana na marara e labavulagia tana pipi vatana na sasaga dou, ma na sasaga goto, ma na manana.

Ioane 12:46

Inau au mai i barangengo ngiti marara, rongona pipi sei ti ke tutuniqu inau ke tau totu i laona na rodo.

Linge 37:6

Sauba ke naua me ke maka saikesa nimui sasaga gotolaka, vaga nogo na makana na aso tana niaso vota.

Malaki 4:2

Migamu na tinoni amu rongomangaqu inau, sauba na susuligaqu gana na tusumauri ke sinarigamu vaga na aso, ma na lalaina ke maurisiginigamu. Me sauba kamu totu tanusi ma kamu magemage vaga moa na dalena buluka kalina ara sangavi vanigira na matsapana na baraqira, mara gini mage na rutsu ma na ulo bamai i taba.

1 Ioane 3:10

Tana omea iani nogo e vota makalidoua niqira aqo igira na dalena God, ma niqira aqo igira na dalena na tidao seko: laka asei ti vaga e tau naua na omea e goto me tau goto dona na vaigaluvegi koluaqira na kulana, aia e tau na dalena God.

Epesus 5:15

Vaga ia, ma kamu parovata dou tana nimui sasaga. Kamu tau vaga igira na tinoni ara bubulega. Kamu tinoni sasaga.

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.

Nina Papi A Job 22:28

mo ko tangomana pipi sui tana omea o ngaoa na nauana, ma na marara sauba ke mararasi sailaginia nimu sautu.

Nina Papi A Job 29:3

Tana tagu ia ma God e totu sailagi koluau inau, me mararasia niqu sautu kalina au liu i laona na rodo.

Linge 116:5

Na Taovia e doulaka me mana saviliu. Eo, nida God igita e dona sosongo na galuve tinoni.

Linge 145:17

Na Taovia e gotolaka pipi tana omea aia e naua, ma na omea sui aia e naua e aqosigira tana galuve.

Goko Tabana 21:21

Ti vaga kesa ke gotolaka nina sasaga me ke dona na galuve tinoni, maia sauba ke gini mauri oka; migira na tinoni tavosi sauba kara kukuni tania.

Isaia 58:8

“Me ti vaga kamu nauvaganana ia, minau sauba kau irovigamu, ma na mararaqu ke sinarigamu, ma kamu gini maka vaga saikesa kalina e dato vaolu na aso tana matsaraka, migira na bokamui sauba kara tavongani mavu tsaku lê. Minau sauba kau totu sailagi kolugamu gana kau laumaurisigamu, ma kau didisigamu rongona ke gini tau goto laba vanigamu sa omea seko.