Linge 112:10 - Ghari

¹⁰ Migira na tinoni vanga tsutsukibo ara reivaganana ia, mara gini kore sosongo; mara vusulia tana tobamomosa, mi muri mara ba nanga lê; mara tau goto adia na omea ara amesia kara tamanina.

Linge 112:10 Referans Kwoze

Luka 13:28

!Mi tana, igamu sauba kamu ngangai me ke varaqe na livomui kalina kamu morosigira a Abraiham, ma Isaak, ma Jakob, migira sui na propete ara tototu i laona na Verana God, migamu kara tsidavaginigamu, ma kamu totu lee moa i tano!

Goko Tabana 11:7

Kalina e mate kesa tinoni vanga tsutsukibo, ma nina kili omea danga e mate kolugotoa. Migira na omea danga aia e norugira tana maurina ara nangaligi lê saikesa.

Goko Tabana 10:28

Nina amesi na tinoni e goto nina sasaga e tusuvania na mage, migira na tinoni vanga tsutsukibo e utu kara amesia sa omea dou ke laba vanigira.

Linge 86:17

Taovia ko sauvulagimaia kesa na papadana nimu galuve vaniau; mi tana ti igira sui ara tobaseko vaniau kara gini vangamâ kalina kara reia laka igoe nogo o vereau mo sangaau.

Linge 37:12

Na tinoni vanga tsutsukibo e vorogokona na sekoliana na tinoni dou, me vusulia tana kore.

Nina Papi A Job 8:13

Migira na tinoni ara tau tutunina God ara vaga saikesa moa na gaugau; mi kalina ara padalea God me gini nanga lê saikesa niqira amesi.

Mateo 22:13

Ma na taovia loki e tsaria vanigira nina maneaqo, ‘Kamu soria na limana ma na tuana na mane iani, ma kamu tsonitsunaa tana rodo i tano. Mi tana aia sauba ke ngangai me ke varaqe livona.’ ”

Mateo 8:12

Migira na dangana na tinoni ni Israel, igira ara padaa laka e ulagaqira na sage tana Verana God, me sauba igira nogoria kara tsonitsunagira tana rodo i tano. I tana sauba kara ngangai me ke varaqe na livoqira.”

Nehemia 2:10

Mi kaira a Sanbalat ni Bet Horon, ma Tobia kesa na tinoni lokiloki tana butona momoru ni Amon, ara ka rongomia laka e mai nogo kesa rongona ke sangagira na tinoni ni Israel, mi kaira ara ka tau saikesa rongomingaoa.

Nina Papi A Job 20:7

maia sauba moa ke nangaligi lê vaga moa na papasa. Migira sui ara donaginia i sau sauba kara tsaria, ‘?Laka iava e liu bâ aia?’