Linge 110:7 - Ghari

⁷ Ma na taovia tsapakae aia, sauba ke inuvia na kô e tsatsali tave ligisana na sautu, aia nogo ke gini susuliga me ke managana.

Linge 110:7 Referans Kwoze

Linge 27:6

Me vaga ia, minau sauba kau tangomana na tuliusiaqira gaqu gala ara totu poliau. Mi tana gu loki ma na magemage, inau sauba kau savori-kodoputsa vania i laona nina Vale Tabu; me sauba kau lilinge ma kau tsonikaea na Taovia.

Mateo 26:42

Ma Iesu e vano tanitugira na rukanina kalina, me nonginongi me tsaria, “Mama, ti vaga o pada igoe laka niqu aqo nogo inau na inuviana na tseu na rota iani, me dou moa ke laba vaniau vaga igoe nogo o kilia.”

1 Petero 1:11

Ara lalave sosongolia laka kara gini donaginia ke ngisa ti ke gado na taguna ia, me ke koegua na maiana. Na Tarunga Tabu aia e totu i konina a Iesu Kristo, aia e totu goto i koniqira na propete i sau. Maia goto nogo e tusulabati vanigira na taguna, kalina e katemai vanigira na rota loki sauba a Iesu Kristo ke pirua, ma na marara loki sauba aia ke tamanina i muri.

Ioane 18:11

Ma Iesu e tsarivania a Petero, “!Ko molovisua nimu isi tana lapana! ?Egua, igoe o pada laka inau kau savilaginia me ke tau gadoviau na rota e vangaraunogoa vaniau na Tamaqu?”

Luka 24:26

?Laka e tau nina aqo na Mesia ke tsodoa na rota loki vaga girani ida talu, mi muri ti aia ke sage tana mararana?”

Mateo 20:22

Me goko a Iesu vanikaira ruka na dalena na daki ia me tsaria, “I kagamu amu ka tau donaginia nagua amu ka nongia i koniqu. ?Egua, laka e tugukagamu na sanga inuviana na tseu na rota vaga inau sauba kau inuvia?” Mara ka tsaria, “Eo, e tugukagami.”

Jeremia 52:31

Mi tana ngalitupa i tana aia Evilmerodak e lia na taovia tsapakae tana Babilon, maia e tobalaka dou vania a Jehoiatsin na taovia tsapakae ni Juda, me adirutsumia tania na vale sosori. Ma na omea vaga ia e laba tana rukapatu tsegenina dani i laona na sangavulu rukanina vula, tana tolu sangavulu vitunina ngalitupa, murina kalina ara aditsekavanoa a Jehoiatsin.

Jeremia 23:15

“Me vaga ia, miani nogo na omea inau na Taovia Susuliga Sosongo au katea tana rongoqira igira na propete ni Jerusalem: Inau sauba kau palaginigira na kusa vavai kara gania, ma kara inuvia na tabatu, rongona igira nogo ara rasavaginia na sasaga ponotoba i laona na kao popono iani.”

Linge 3:3

Migoe saikesa moa Taovia, o vaga gaqu tako; o sangaau mau gini tangomana, mo malagaisiau mau gini tukakai.

Nina Papi A Job 21:20

Molo vanigira nogo igira na vanga nauseko ke gadovigira segeni na kedena niqira nauseko, ma kara vatsangia na korena God Susuliga Sosongo.

Linge 102:9

Tana rongona nogo na koremu ma nimu momosatoba loki vaniau igoe, ti na tora e lia gaqu mutsa, ma na kô na mataqu e lalokoluginia gaqu kô na inu. Migoe o tangoliau mo tsoniligiau.

Tinoni Pede 15:19

Ma God e sangavia kesa na babana na kao e totu nogo i tana i Lehi, me tavongani vuradato na kô i laona. Ma Samson e inuvia, me dato tugua na vatsangingao tana konina. Maia nogoria na rongona ti ara soaginia na vuravura ia Hakore. Ma na vuravura ia e totu moa i Lehi tsaumai i dani eni.