Linge 109:18 - Ghari

¹⁸ !Aia e lavu sosongo na gokoseko vaga moa aia e lavu na sagelipolo; ma nina gokoseko segeni aia kara sage tana kokorana vaga moa ti na kô, mi tana sulina goto vaga moa ti na oela!

Linge 109:18 Referans Kwoze

Linge 73:6

Me vaga ia, migira ara sagelia na kaekae vaga moa ti gaqira liolio, mara gini tsatsavu na momosatoba vaga moa ti na poloqira;

Tsoko Tinoni 5:22

Ma na kô vavai nogo iani ke sage i tobamu me ke gini subu, ma na meamu ke kukuperuperu.’ “Ma na daki ke gokovisu me ke tsaria, ‘Eo, au tami. Na Taovia ke nauvaganana nogo ia.’

Kolose 3:12

Igamu nina tinoni God. Aia e galuvegamu, me viligamu kamu lia nina tinoni segeni. Vaga ia, migamu nimui aqo kamu dona na vaiaragogi, na vaisangagi, na pea segenimui, na totu tsalapo dou ma na berengiti.

1 Petero 5:5

Migamu na tinoni vaolu nimui aqo kamu nauvaganana goto. Kamu rongomangaqira na tinoni loki. Migamu sui kolu, na tinoni loki ma na tinoni vaolu, kamu dona na palatsuna, ma kamu vaisangagi igamu ruka tabana. Rongona ara katevulaginogoa tana Mamare Tabu laka “God e tukapusigira na kaekae, me vangalaka vanigira ara palatsuna.”

Kolose 3:8

Mi kalina eni nimui aqo kamu mololegira pipi sui na vatana na omea seko vaga girani: na kore, na vaireiisaivigi ma na tobaseko. Ma na goko pea ma na asu ke tau goto rutsu i mangamui.

Aqoaqo 1:25

ke tangolia na aqo na apostolo na tuguna a Iudas, aia e vanoligi nogo tania nina aqo, me baa tana nauna aia e kalea.”

Aqoaqo 1:18

Na qolo na tsutsukibo e adia a Iudas e voliginia kesa na kao. Mi tana nogo e tsodoa gana matemate. E botsa na tobana, mara viri rutsu na tinaena.

Mateo 26:24

Inau na Dalena Tinoni, sauba kau mate vaga e katenogoa na Mamare Tabu. !Eo, me sauba ke seko sosongo nomoa vania na mane aia e sauligiau! !Ke dou baa nomoa vania na tinoni ia, laka ti vaga ke tau nogo vasua tinana!”

Nina Papi A Job 29:14

Pipi kalina moa inau au naugira na omea dou me gotolaka.

Tsoko Tinoni 5:27

Me ti vaga ke kibogagana manana, ma na kô ia sauba ke tsukia me ke gini vatsangi savi sosongo, me ke subu na tobana, me ke gini kukuperuperu na meana. Ma na soana ke tangiseko i laoqira na tinoni.

Linge 109:19

Kara tsavuginia vaga moa ti na polo, ma kara totu polipolia sailagi vaga moa ti na itai na sori polona.