Linge 109:10 - Ghari

¹⁰ !Migira na dalena kara tau tamanina sa valeqira, ma kara nono gaqira moa; ma kara tsialigigira goto tania na nauna sekoseko i tana ara totu!

Linge 109:10 Referans Kwoze

Linge 37:25

Minau au tuqatuqa nogo kalina eni, mau mauri oka sosongo nogo, mau tau moa vati reia laka na Taovia ke dona na tsonileana ke kesa na tinoni e dou nina sasaga, se igira na dalena kara dona na nongi mutsa bamai. E utu.

Isaia 16:2

Igira ara pipitu i liligina na Kô Arnon, mara lolonga votu babangataga, vaga moa na manu ara tsialigigira tania na binuqira.

Linge 59:15

ara vaga saikesa moa na pai ara kuviraru bamai rongona ara lave mutsa, mara ngunguru loki sosongo ti vaga kara tau tsodoa na mutsa ke tugugira.

2 Taovia Tsapakae 5:27

!Mi kalina ia, ma na lobogu e gadovia a Naaman, sauba ke gadovigo igoe. Migoe, migira sui goto na kukuamu, sauba kamu tamanina sailagi na lobogu ia!” Mi kalina tsotsodo a Gehasi e mololea i tana, ma na lobogu ia e savu i konina, ma na kokorana e tavongani sere popono, vaga moa na snou.

2 Samuel 3:29

!Ma na kedena ke gado i konina a Joab ma nina vungu popono! !I laona pipi na vatavata ke botsamai sauba ke kesa na mane i laona na vungu i konina aia ke tsodoa na saqere vora, se na mudo, se ke labe lê me ke tugua moa na nauana niqira aqo na daki, se ke mate tana vailabu, se ke tau tugua gana mutsa!”

Nina Papi A Job 5:4

Ma na dalena e utu goto kara tsodoa sa nauna i tana kara totu raviravi dou; me tagara goto ke kesa ke isutuguqira tana tinete.

Nina Papi A Job 27:14

Kara tamanina danga rago na daleqira mane, me sauba moa kara mate sui tana tagu na vailabu; ma na daleqira ara totuvisu kara tau saikesa goto tamanina na mutsa ke tugugira na ganiana.