Linge 104:3 - Ghari

³ mo logoa na valemu i kelana na ko loki i gotu. O gini aqo na parako mala vaga nimu terê, mo sagekae i kelana na rapona na guguri.

Linge 104:3 Referans Kwoze

Amos 9:6

Na Taovia e logo verana i baragata, me tatakatsinia na masaoka i kelana na barangengo. Maia e saoa na tasi me qetutsunâ tana barangengo. !Na Taovia nogo na asana aia!

Isaia 19:1

Iani nogo e vaga na goko tana rongona na Ejipt. Na Taovia e sagekae i kelana na parako, me maimai tsaku kalea i Ejipt. Migira na god peropero ni Ejipt ara gagariri i matana ia, migira na tinoni e puka lê rebona gaqira susuliga.

2 Samuel 22:11

Aia e gini lovo tsaku tana rapona na angelo; me gini vanovano na rapona na guguri.

Nahum 1:3

Na Taovia e kisa lê na kore, maia e susuliga sosongo nomoa, me tau dona ke gaegira na tinoni vanga tsutsukibo. Miava moa i tana ke tsotso bâ na Taovia ma na viru sauba ke laba, ma na parako bau ke pungudato.

Linge 139:9

Me ti vaga kau lovoligi ao liusia tana e dato na aso, se kau ba totu kesa tana nauna ao sosongo i tana e sû na aso,

Na Katemai 1:7

!Reia baa, aia e maimai nogo tana parako! Igira sui na tinoni sauba kara reia aia, kolugira goto igira ara baoginia na bao. Na tinoni sui lakalaka tana barangengo popono sauba kara tangisia. !Me sauba nomoa ke vaga ia!

Mateo 26:64

Ma Iesu e tsaria, “Igoe o tsarigadovia. !Minau kau tsarivanigamu sui: e tuu kalina ia me ke baa, igamu sauba kamu reiau inau na Dalena Tinoni, kau totu tana madoana God susuliga, ma kau tsunamai talu i gotu tana parako!”

Na Vaolusi Ketsa 33:26

Mi murina nina nonginongi ma Moses e tsarigotoa, “Tinoni ni Israel, e tagara goto sa god ke vaga nimui God, aia e sage tana mararana loki i gotu tana masaoka me liu i laona na parako gana ke mai sangagamu.

Linge 148:4

Tsonikaea igamu amu totu i gotu vasau, migamu goto na kô sui amu totu i kelana na masaoka.