Linge 104:2 - Ghari

² mo gini tsatsavu popono na marara. Igoe nogo o vuresia na baragata vaga moa ti na valepolo,

Linge 104:2 Referans Kwoze

Isaia 40:22

Na Taovia nogo e aqosia, aia e totukae tana nina sasana na totukae i kelana na barangengo, mi gotuna na masaoka; mi kalina aia e morotsunamai, me reigira na tinoni ara tetelo lê vaga moa na loa. Aia nogo e tatakatsinia na masaoka vaga moa kesa na polokatsi, me vaga goto kesa na valepolo gana na totu i laona.

Daniel 7:9

Mi kalina au momoro moa, mau reigira ara vaturigira visana na sasana na totukae. Me mai kesa aia e mauri oka sosongo nogo, me ba totukae i kelana kesa vidaqira. Ma na polona e seremaka vaga moa na snou, ma na ivuna ara sere vaga na vauvau laka. Ma nina sasana na totukae ia e totu i tu kelaqira vati na uili iruiru,

Isaia 45:12

Inau nogo au aqosia na barangengo, mau vusagira na mamatana tinoni kara totu i laona. Tana susuligaqu segeni nogo inau au tatakatsinia na baragata; mau tagaovi kaputia na aso, ma na vula, migira na veitugu.

1 Ioane 1:5

Miani nogo e vaga na sasani igami ami rongomia i konina na Dalena God, mami katevulagia vanigamu: laka God aia nogo na marara, me tagara saikesa sa rodo i konina.

1 Timoti 6:16

Aia segenina moa e totu saliu me vo mate. E totu tana marara loki i tana e tau tangomana vania ke kesa ke varangisi baa. E tau vati reilakana moa ke kesa, me utu goto ke kesa ke morosilakana kesa dani. !Aia segenina moa igita ka tsonikaea, ma ka tamivania ke tamanigita saviliu! Amen.

Mateo 17:2

Mara tu momoro moa tugira, me tavongani oli na rereina a Iesu: na ngorana e maka vaga na aso, me seremaka na polona.

Sekaria 12:1

Iani e vaga nina goko na Taovia e kalea na Israel, aia na Taovia e tatakatsinia na masaoka, me vusâ na barangengo, me tusumauri vanigira na tinoni. Maia e tsaria,

Nina Papi A Job 9:8

God segeni moa e tatakatsinia na baragata, me tsotsokae i kelaqira na panu loki.

Nina Papi A Job 36:30

Me moloa na angaanga ke kirapi bamai tana masaoka, me marara tsuna saviliu tana pikana na maorodo.

Habakuk 3:4

Maia e mai kolua na mararana na angaanga, ma na makana e kirapimai talu tana limana, i tana nogo e totu popoi na susuligana.