Linge 104:1 - Ghari

¹ !Na tidaoqu ke tsonikaea na Taovia! !Taovia niqu God, igoe o loki tsapakae! Migoe o taovia loki tsapakae me tangi loki na rongomu;

Linge 104:1 Referans Kwoze

Linge 103:22

Kamu tsonikaea na Taovia igamu sui na omea mamauri aia e aqosigamu, mamu totu pipi tana nauna sui i tana aia e tagao. !Na tidaoqu ke tsonikaea na Taovia!

Linge 145:3

Na Taovia e loki tsapakae me ulagana kara tsonikae sosongolia, ma gana loki tsapakae e utu na padagadoviana.

Linge 96:6

Na Taovia e loki tsapakae me tangi loki na rongona; na susuligana aia ma na rereidouna ara labamaka popono i laona nina Vale Tabu.

Isaia 59:17

Aia sauba ke sagelia na pedegoto ngiti tako, ma na susuligana gana na maurisi tinoni ngiti kepi tapala. Me ke gini popolo na papada susuliga gana na gotosiaqira na omea ara tau goto, ma na tangotuguaqira nina toga tana rongona na pede tau goto ara rotasiginigira.

Linge 93:1

Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Daniel 9:4

Mau nonginongi kakai babâ moa vania na Taovia niqu God, mau koevulagivania niqira sasi niqu tinoni. Mau tsaria, “Taovia God, igoe o loki liuliu bâ, migami ami pada mamavasigo. Igoe o manalia nimu tabana na vaitasogi o naunogoa kolugami, mo saua nimu galuve vo oli vanigira igira ara galuvego mara naua na omea igoe o ketsaliginigira kara naua.

Linge 104:35

Kara nanga tania na barangengo igira sui na tinoni seko; ma kara mate igira sui na vanga tsutsukibo. !Tsonikaea na Taovia igoe na tidaoqu! !Tsonikaea na Taovia!

Jeremia 23:24

Me tagara goto ke kesa tangomana na ba taopoi sa nauna i tana inau kau tau morosia. ?Laka igamu amu tau moa vati dona laka inau au totu pipi tana nauna sui i gotu mi lao?

Linge 7:1

Taovia niqu God, inau au mai i konimu, rongona igoe ko reitutuguau. Ko isutuguqu mo ko laumaurisiau tanigira igira sui ara takuviau.

Habakuk 1:12

Taovia, igoe o God tu mai nogo tana tuturigana. Igoe niqu God, mo tabu loki mo mauri saliu. Taovia, igoe niqu God ma niqu reitutugu. Igoe nogo o viligira na Babilonia, mo susuligasigira kara gini tangomana na kedeamami.

Daniel 7:9

Mi kalina au momoro moa, mau reigira ara vaturigira visana na sasana na totukae. Me mai kesa aia e mauri oka sosongo nogo, me ba totukae i kelana kesa vidaqira. Ma na polona e seremaka vaga moa na snou, ma na ivuna ara sere vaga na vauvau laka. Ma nina sasana na totukae ia e totu i tu kelaqira vati na uili iruiru,

Linge 95:3

Rongona na Taovia aia e God susuliga sosongo, maia e taovia tsapakae susuliga liusigira pipi sui na god tavosi.