Linge 103:8 - Ghari

⁸ Na Taovia e doulaka me dona sosongo na galuve, e kisa rago na kore me totu saviliu nina galuve vo oli.

Linge 103:8 Referans Kwoze

Linge 86:15

Migoe Taovia o tobalaka sosongo mo God na galuve, mo berengiti sailagi mo mana saviliu.

Joel 2:13

Nimui tobamelu nogo ke sauvulagia laka amu padasavigira nimui sasi, me tau tana ratsiana lê moa na polomui.” Kamu visumaitugua i konina na Taovia nimui God. Aia e tobalaka saikesa, me dona moa na galuve. Aia e dona sosongo goto na berengiti, me manaligira pipi sui nina veke, me totu vangarau sailagi gana na padaleaqira na sasi, me tau gana na kede tinoni.

Nahum 1:3

Na Taovia e kisa lê na kore, maia e susuliga sosongo nomoa, me tau dona ke gaegira na tinoni vanga tsutsukibo. Miava moa i tana ke tsotso bâ na Taovia ma na viru sauba ke laba, ma na parako bau ke pungudato.

Linge 145:8

Na Taovia e doulaka, me dona sosongo na galuve, e kisâ rago na kore me totu saviliu nina galuve vo oli.

Linge 86:5

Igoe o dou sosongo vanigami, mo padalegira moa nimami sasi, me loki sosongo nomoa nimu galuve vo oli vanigira sui ara nongigo.

Iakobo 5:11

Eo, igita a tsonikaegira na propete rongona ara berengiti tsau tana mate. Igamu amu rongominogoa na turupatuna nina berengiti loki a Job. Mamu dona goto laka na Taovia e tusuvisu vania danga baa nina omea tana susuina. Rongona e dou na Taovia me dona sosongo na galuve.

Jona 4:2

Me tsaria, “?Taovia, laka inau au tau tsarivanigo nogo tana idana kalina au tau vati mololea i veraqu, laka aia saikesa nogo na omea igoe sauba ko naua? !Aia nogoria na rongona ti au gini tovokakaia kau tsogovano i Spain! Inau au donagininogoa laka igoe na God na galuve, mo galuve sosongoligira na tinoni sui. O berengiti na kore, mo dona sosongo na galuve tinoni, ma na oliana nimu papada ma na tau kede tinoni.

Isaia 55:7

Igira na tinoni vanga tsutsukibo niqira aqo nomoa kara mololea niqira sautu sasi ma kara olia niqira sasaga, ma kara pilo bâ saikesa moa i konina na Taovia nida God, rongona aia e dona sosongo na galuve, me tsaku na padaleaqira na sasi.

Tsoko Tinoni 14:18

‘Inau na Taovia, au tau dona na kore tsaku, mau sauvulagia na galuve loki ma na tobalaka vanigira na tinoni, mau padalea niqira sasi ma niqira tobaseko vaniau. Me atsa moa au vaga, me utu kau tau kedegira na daleqira ma na kukuaqira tsau tana tolunina ma na vatinina na vatavata na vasusu dato, tana rongona nogo niqira sasi igira na tamaga ma na tinaga.’

Linge 130:7

Igamu na tinoni ni Israel, kamu norukakaia na Taovia, rongona nina galuve e vo oli, maia e padangao sailaginia ke maurisigira nina tinoni.

Nehemia 9:17

Eo, ara sove saikesa na rongomangamu; mara padalegira na omea sui igoe o naua; mara padalegira goto na valatsatsa loki o aqosia gana ko sangagira. Mi tana niqira kaekae nogo igira te ara tû mara vilia kesa gaqira ida ke adivisugira tugua i Ejipt tana ara totu tseka tana idana. Migoe na God o dona na padaleaqira na sasi ara naua igira na tinoni, o dou laka mo dona sosongo na galuve, mo kisa lê na kore. Nimu galuve e loki sosongo me vô sui; mo tau tsonikidaqira saikesa na mumuamami.

Na Vaolusi Ketsa 5:10

Mau saua niqu galuve vanigira na toga na vatavata igira ara padalokiau inau mara murigira niqu ketsa.

Jeremia 32:18

Igoe o sauvulagia nimu galuve vo oli vanigira na toga sui, mo kedegira nomoa na baka matena niqira sasi igira na tamaqira ma na tinaqira. Igoe na God o loki sosongo mo susuliga tsapakae; igoe nogo na Taovia Susuliga Sosongo.

Linge 31:20

Igoe o molopoigira dou tana nauna raviravi dou i konimu igoe, tania niqira vorogoko sai na tinoni. Mo mologira kesa tana nauna raravi dou, popoi tania niqira gokotsiri gaqira gala.