Linge 103:7 - Ghari

⁷ Me saulabati vania a Moses na omea aia e pada manogatinogoa ke naua. Me tamivanigira na tinoni ni Israel kara reilakaqira na omea loki aia e naugira.

Linge 103:7 Referans Kwoze

Binaboli 33:13

Mi kalina ia, ti vaga igoe o reingaoau manana, mau nongigo ko tsarivulagi vaniau nimu papada, rongona kau gini tangomana na aqo dou vaniamu, ma kau gini naudou babâ moa i matamu igoe. Ko padatugugotoa laka igoe segenimu nogo o vilia na puku na tinoni girani kara lia nimu tinoni segeni.”

Linge 147:19

Aia e moloa nina goko vanigira nina tinoni, ma nina ketsa ma nina totosasaga vanigira na Israel.

Linge 78:11

Ara padalegira sui na omea aia e aqosigira, migira goto na valatsatsa ara reia aia e naugira.

Nehemia 9:14

Migoe o raiginigira kara pada mamavasia nimu Dani na Sabat, mo sauvanigira nimu ketsa tana mangana a Moses nimu mane aqo.

Linge 77:20

Migoe o tudumigira nimu tinoni toga vaga nogo e kesa e reitutugudougira nina sipi, mo molokaira a Moses ma Aaron kara ka ida vanigira.

Na Vaolusi Ketsa 34:10

E tagara saikesa goto sa propete i laona na Israel ke vaga a Moses; na Taovia e goko kolua aia vaga nogo kalina ara ka ruka na tinoni ara ka vaigokovigi.

Linge 99:7

Na Taovia e totu i laona kesa na parako loki me goko vanigira nina tinoni; migira ara murigira na ketsa ma na vali aia e tusua vanigira.

Linge 78:5

Aia e tusugira nina ketsa vanigira na tinoni ni Israel, ma na vovorona nina vali vanigira na kukuana a Jakob. Maia e raigira na mumuada kara sasanigira na daleqira na vovorona nina ketsa,

Binaboli 20:21

Migira na toga ara tutû ao babâ moa, ma Moses segeni moa e ba varangisia na parako matolu i tana e totu God.

Binaboli 19:20

Na Taovia e tsunamai i kelana na Vungavunga Sinai me soâ a Moses ke dato bâ i konina. Ma Moses e dato

Binaboli 19:8

Migira sui na tinoni ara gokovisu kesa moa kalina mara tsaria, “Sauba kami nau mananâ pipi sui na omea aia na Taovia e tsaria.” Mi tana e tû a Moses me visu bâ i konina na Taovia me tsarivulagi vania niqira goko na toga.

Linge 106:22

!Na omea loki sosongo nomoa aia e aqosigira i tana! !Na omea ganataga sosongo nomoa aia e naugira tana Tasi Tsitsi!

Tsoko Tinoni 12:7

Minau au tau nauvaganana ia kalina au goko kolua a Moses niqu maneaqo; inau nogo au molovania ke tagaovigira niqu toga popono ni Israel.

Linge 111:6

Aia e sauvulaginogoa na susuligana vanigira nina toga, kalina e tusuvanigira niqira kao igira na tinoni ni veratavosi.