Linge 103:3 - Ghari

³ Aia e padalegira pipi sui niqu sasi me maurisiau tanigira pipi sui gaqu lobogu.

Linge 103:3 Referans Kwoze

Binaboli 15:26

Maia e tsaria, “Ti vaga igamu kamu rongomangaqu saikesa inau ma kamu naua na omea inau au pada e goto, ma kamu muridougira sui niqu ketsa, me sauba e utu kau kedeginigamu goto sa vatana lobogu vaga au rotasiginigira nogo na Ejipt. Rongona inau nogo na Taovia au tali maurisigamu.”

Isaia 53:5

Me tagara. E tau vaga ia. Aia e gini gadovikede me gini boka tana rongona nida sasi igita; mara ramitsia tana rongona na omea seko igita nogo a naua. Mi tana rongona nogo na rota aia e vatsangia te igita a gini dou visutugua, mi tana bokana nogo ia, igita a tsodoginia na mauri.

Linge 30:2

Taovia niqu God, au ngangaidato vanigo ko sangaau, migoe o maurisiau,

Jeremia 17:14

Taovia, ko talimaurisiau inau, me sauba kau mauri dou saikesa; ko laumaurisiau, minau kau totu raviravi dou i konimu. !Igoe segeni moa au tsonikaego!

Linge 147:3

Aia e veregira igira e ngoligira na melu, me talia na bokaqira.

Iakobo 5:15

Ma na nonginongi ara naua igira kolua na tutuni, sauba ke gini maurivisutugua na tinoni lobogu. Eo, na Taovia sauba ke maurisitugua, me ke nusiligigira goto nina sasi.

Isaia 43:25

Minau na Taovia nimui God au padalegira nomoa nimui sasi, tana rongona nogo gaqu loki tsapakae inau, me utu goto kau padadatogira babâ na omea seko amu naugira.

Marko 2:5

Mi kalina a Iesu e reia tu niqira tutuni e loki vaga ia, maia e tsarivania na mane logu, “Dalequ, ara tanusi nogo nimu sasi.”

Tsoko Tinoni 12:13

Maia Moses e ngangaidato vania na Taovia me tsaria, “!Kiki, Taovia, au nongigo ko maurisia ko Miriam!”

Linge 130:8

Eo, sauba ke maurisigira nina tinoni ni Israel tanigira pipi sui niqira sasi.

Epesus 1:7

Tana rongona nogo na mateana a Iesu Kristo ti igita a gini totu tanusi, mara gini tanusi nida sasi. Eo, e loki sosongo nomoa nina vangalaka God e gini dangaliginigita nina sasaga loki, migita a donaginia nina papada vaga aia e poia vanigira na tinoni tana idana, me vangarau manogatia tuu i sau vasau na manaliana i konina a Iesu Kristo.

2 Samuel 12:13

Ma David e tsaria, “Inau au sasi loki manana nomoa i matana na Taovia.” Maia Natan e tsarivania, “Na Taovia e padalenogoa nimu sasi. Me sauba igoe e utu goto ko mate.

Isaia 33:24

Me sauba ke tagara goto ke kesa ke dona na tsariana, “Inau au vatsangi savi.” Maia na Taovia sauba ke padalegira sui niqira sasi nina tinoni ara totu i tana.

Binaboli 34:7

Au manalia niqu veke vanigira na toga na vatavata, mau padalea na omea seko ara naua ma niqira sasi; me sauba nomoa e utu kau terevia na kedeaqira na dalemui ma na kukuamui tsau bâ tana tolunina ma na vatinina vatavata kara botsamai i muri tana rongona niqira sasi na tamaqira.”

Linge 41:8

Mara tsarivaganana, “Aia e tango sosongo nomoa, me utu vanigotoa ke dou.”

Linge 86:5

Igoe o dou sosongo vanigami, mo padalegira moa nimami sasi, me loki sosongo nomoa nimu galuve vo oli vanigira sui ara nongigo.

Linge 130:4

Migoe o padalegira moa nimami sasi, rongona o ngaoa igami kami kukuni tanigo.

Isaia 38:17

Niqu vatsangi savi e oli me lia na rago. Igoe nogo o maurisiau tanigira na omea seko sui, Kalina igoe o padalegira pipi sui niqu sasi.