Linge 102:2 - Ghari

² !Kalina inau au totu i laona na rota loki, migoe ko laka na piloligi taniaqu! !Ko rongomi vataviau, mo ko tuguvisu tsakua niqu nonginongi kalina kau soago!

Linge 102:2 Referans Kwoze

Linge 69:17

Laka na taopoi taniaqu inau nimu maneaqo. !Au totu saikesa kiki i laona na rota loki ko rongomiau kalina ia!

Isaia 8:17

Na Taovia e poi segenina nogo tanigira nina tinoni, minau moa au norua mau vataragini kakaia niqu amesi i konina.

Linge 27:9

!Ko laka goto na totu popoi taniaqu!” Ko laka na kore vaniaqu; ma na tsialigiaqu lê inau nimu maneaqo. Igoe nogo o sangaau tû i sau nogo; vaga ia, mo ko laka goto na mololeaqu ma na tsonikidaqu, igoe nogo niqu God ma niqu vagamauri.

Linge 104:29

Mi kalina igoe o piloligi tanigira, migira ara matagu; mi kalina igoe o adiligia niqira magomago, migira ara mate lê mara visutugua tana kao tana nogo ara talu.

Linge 70:1

!Niqu God ko maurisiau! !Taovia ko sangaau kalina ia!

1 Korint 10:13

Na tabotabo sui vaga ara laba vanigamu igamu, ara dona goto na laba vaniaqira na tinoni sui. Ma God aia e manalia pipi nina veke, maia sauba e utu ke tamia ke gadovigamu na tabotabo e dona ke susuliga liusia na susuligamui. Kalina ti ke gadovigamu na tabotabo, maia God sauba ke sangagamu na tuliusiana ma na sove taniana.

Linge 143:7

!Taovia, kalina nogo ia ko tugumai vaniau niqu goko! E puka lê sui nogo niqu amesi. Ko laka goto na taopoi taniaqu, kau tau vaga igira ara ba tsuna nogo tana barangengo na mate.

Linge 71:2

Ko sangaau mo ko tangotuguqu, rongona igoe nogo o gotolaka saikesa. !Ko rongomi vataviau mo ko maurisiau!

Isaia 43:2

Mi kalina ti vaga kamu tulusavu tana kô mao, inau sauba kau totu kolugamu; ma na tatarina na kô e utu ke lumigamu. Mi kalina ti vaga kamu liu bâ i laona na lake me sauba e utu ke ganigamu, ma na iruna e utu goto ke iruvigamu.

Linge 40:13

!Taovia, ko mai tsaku mo ko maurisiau!

Linge 31:2

!Ko rongomiau mo ko maurisiau tsaku! Ko lia vaga niqu mani toturavi, niqu baravatu kakai gana kau gini mauri tanigira gaqu gala.

Linge 22:19

!Migoe Taovia ko laka kiki na totu ao taniaqu! !Ko mai tsaku mo ko isutuguqu!

Linge 13:1

?Laka sauba ke oka koegua sagata ko padaleau igoe Taovia? ?Egua, laka ko padaleau saviliu? ?Me ke oka koegua sagata goto ko taopoi taniau?

Nina Papi A Job 34:29

“?Me ti vaga God ke tau goto padangaoa na nauana sa omea, me laka tangomana kesa ke vaitsarigana? ?Me ti vaga aia ke poia na ngorana, masei sauba ke reilakana? Maia segenina moa e reitutugu kaputigira na tinoni ma na vera sui,

Nina Papi A Job 7:21

?Me laka e utu vanigo ko padale vaniau niqu sasi mo ko luvusile vaniau na omea seko au naugira? Ke tau nogo oka minau sauba kau totu i laona na qiluqu, migoe sauba ko lalaveau, me utu goto ko reilakaqu rongona inau kau nanga nogo.”

Isaia 65:24

Idavia kara tau vati nongiau sa omea, minau sauba kau tuguvisunogoa niqira nonginongi.

Binaboli 2:23

Me visana na ngalitupa i muri, ma na taovia tsapakae ni Ejipt e mate, migira na Israel ara rota babâ moa tana aqotseka mara ngangai dato vania God ke sangagira.

Binaboli 2:24

Ma God e rongomia niqira kukungu me padavisua nina vaitasogi e naua i sau kolutugira a Abraham, ma Isaak ma Jakob.

Linge 17:1

Taovia ko rongomivatavia niqu ngangaidato vanigo tana rongona na pedegoto. Ko boeginiau kalina au nongigo ko sangaau. Ko tû mo ko rongomia niqu nonginongi, rongona e tagara goto ke kesa na gokopero e dona ke rutsu i mangaqu.